Aqmola oblysynda 15 myń teńge para alǵan áskerı laýazymdy tulǵa iri kólemde aıyppul tóleıtin boldy
KÓKShETAÝ. QazAqparat - Aqmola oblysynda 15 myń teńge para alǵan áskerı laýazymdy tulǵa iri kólemde aıyppul tóleıtin boldy, dep habarlaıdy «QazAqparat» HAA tilshisi.
«Aqmola garnızony áskerı soty Aqmola oblysy Şýchınsk qalasynyń Birikken qorǵanys isteri basqarma basshysynyń mindetin atqarýshysy azamat Z.-ǵa qatysty QR QK 366-baby, 2-tarmaǵymen kózdelgen sybaılas jemqorlyq qylmys jasaý jónindegi isti qarady.
Sotta anyqtalǵandaı azamat Z. áskerı bıletin jasatyp almaq bolǵan azamat R.-ny bopsalap, 15 myń teńge kóleminde para talap etken. Keıin kóp uzamaı Z. sybaılas jemqorlyqqa qarsy is-qımyl qyzmetiniń qyzmetkerlerimen para alý kezinde qolǵa tústi.
Sotta, aıypty óziniń kinásin tolyq moıyndap, ókinetinin aıtqan. Oǵan qosa, onyń buryndary sotty bolmaǵany jáne kámelettik jasqa tolmaǵan eki balany asyrap otyrǵany eskerildi.
Osylaısha, Aqmola oblysy garnızonynyń áskerı soty Z.-ny QR QK 366-babynyń 2-bólimi boıynsha kináli dep tanyp, 883 032 teńge kóleminde aıyppul tóleý jazasyn taǵaıyndady. Oǵan qosa, «maıor» áskerı sheni men ómir boıyna joǵary laýazymdy qyzmet atqarý quqyǵynan aıyrdy.
Úkim zańdy kúshine engen joq», delingen habarlamada.
