Aqmola oblysynda 15 mashına jol apatyna ushyrady
ASTANA. QazAqparat - Qatty jaýǵan qardyń saldarynan Aqmola oblysynyń tas jolynda 15 mashına jol apatyna ushyrady, eshkim zardap shekken joq, dep jazady «QazAqparat» HAA tilshisi oblystyq ІІD silteme jasap.
«27 jeltoqsan kúni «Ekaterınbýrg - Almaty» tas jolyndaǵy Arshaly aýdanynyń boıynda 15 kólik bógelip qaldy. Oryn alǵan jol oqıǵasynan eshkim zardap shekken joq, mashınalar mehanıkalyq búlinýge ushyrady»,-dep jazylǵan habarlamada.
Oqıǵa ornyna jedel jetken jol-polıtsııa qyzmetkerleri jáne tehnıkalyq ınspektsııa mamandary júrgizýshilerge qajetti kómek kórsetip, joldy qardan tazalady.
Qazir Aqmola oblysynan Pavlodar jáne Qaraǵandy baǵytyna shyǵatyn tas joldar jabyldy.
