Aqmola oblysynda 13 jasar jasóspirim joǵalyp ketti
KÓKShETAÝ. QazAqparat - Aqmola oblysynda iz-túzsiz joǵalǵan 13 jasar jasóspirim Áıgerim Erkinqyzy Haıdarovaǵa izdeý jarııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 21 tamyzda Kókshetaý qalalyq PB kezekshilik bólimine joǵalǵan qyzdyń anasy júginip kómek surǵan.
Áıgerim 20 tamyzda saǵat 15:00 shamasynda qyzy Nurly kósh aýylynda turatyn úıden shyǵyp, shashtarazǵa ketken. Sodan qaıtyp oralmaǵan, uıaly telefony óshirýli, qaıda júrgeni belgisiz.
Áıgerim Haıdarova 2007 jyly týǵan. Boıy 156-160 sm, dene bitim aryqsha kelgen. Ústine kúláparasy bar kúmis tústi kúrtke (sýrette), qara tústi kúrteshe, kók tústi djınsy, aq tústi sporttyq aıaqkıim (krossovka) kıgen.
Polıtsııa joǵalǵan jasóspirimniń júrgen jeri týraly qandaı da bir málimetti biletin adamdar bolsa, «102» arnaıy jelisine habarlasýdy suraıdy.
