Aqmola oblysynda 13-tegi qyz tórt táýlikten beri tabylmaı jatyr
KÓKShETAÝ. QazAqparat - Aqmola oblysynda iz-túzsiz joǵalǵan 13 jastaǵy jasóspirim Áıgerim Haıdarovaǵa áli tabylmaı jatyr. Іzdestirý jumystary tórtinshi táýlik jalǵasýda, dep habarlaıdy QazAqparat tilshisi oblystyq PD baspasóz qyzmetine silteme jasap.
«Іzdestirý jumystaryna PD apparat men Kókshetaý qalalyq PB jeke quramy, TJD jeke quramynan 20 adam jáne Ulttyq gvardııa 5510 áskerı bóliminiń 30 sarbazy, 79 volonter, eki kvadrokopter jumyldyrylǵan», - deıdi vedomstvodan.
Polıtsııa qyzmetkerleri atap ótkendeı, qazirgi kezde «Kókshetaý – Krasnoıar – Nurly kósh» baǵytyndaǵy jolaýshylar avtobýsy men ózge de kólikter tekserilip, turǵyndardan surastyrylyp jatyr. Krasnoıar aýyly men sol mańdaǵy eldi mekenderdiń, orman, kólderdiń, bas jatqan ǵımarattar men káriz qudyqtary, qoqys tógetin polıgon aýmaǵy tekserilýde. Jasóspirimniń synyptastary men dostarynan surastyryldy.
Aıta keteıik, 21 tamyzda Kókshetaý qalalyq PB kezekshilik bólimine joǵalǵan qyzdyń anasy júgingen. Anasynyń aıtýynsha, Áıgerim 20 tamyzda saǵat 15:00 shamasynda Nurly kósh aýylynda turatyn úıden shyǵyp, shashtarazǵa ketken. Sodan qaıtyp oralmaǵan, uıaly telefony óshirýli, qaıda ekeni belgisiz.
