Aqmola oblysynda 13,4 gektar jer telimi memleketke qaıtaryldy
KÓKShETAÝ. QazAqparat – Aqmola oblysynda 13,4 gektar bolatyn 3 jer telimi memleket menshigine qaıtaryldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.
Esil aýdanynyń prokýratýrasy aýyl sharýashylyǵy maqsatyndaǵy jerlerdi paıdalanbaý derekterin anyqtady. 2004 jyly «Orlovka» JShS-ne Orlovka aýylynyń ákimshilik shekaralarynda 49 jyl merzimge jer ýchaskeleri berildi. Alaıda «Orlovka» JShS-de 2020 jyldan bastap aýyl sharýashylyǵy janýarlary joq, nátıjesinde 9 756 ga jaıylym maqsatyna saı paıdalanylmaǵan.
2023 jyldyń ótken kezeńinde prokýrorlyq den qoıý sharalarymen memleketke quny 118,9 mln teńge bolatyn jalpy aýdany 13 460 ga 3 jer ýchaskesi qaıtaryldy», - dedi Aqmola oblysy prokýratýrasynyń baspasóz qyzmetinen.
Aıta ketsek, budan buryn memleketke jalpy quny 1,6 mlrd teńge bolatyn orman ýchaskesi qaıtarylǵanyn jazǵan edik.
