Aqmola oblysynda 128 oqýshy sharýa qojalyǵy esebinen tamaqtanady
Bul týral aımaq basshysy Sergeı Kýlagınniń aýdanǵa jumys sapary barysynda belgili boldy, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
Oblys ákimi Podgornoe aýylynda bolyp, osyndaǵy «Podgornoe-1» JShS jumysymen tanysty. Atalǵan seriktestik eginshilikpen qatar, mal sharýashylyǵymen de aınalysady. Osy kúni sharýashylyqta qazaqtyń aqbas sıyrlary ósirilýde. Búgingi kúni iri qara maldyń jalpy sany 1800 basty quraıdy. Bir jyldaǵy ortasha salmaq ósimi - 1071 tsentnerdi, ortasha tóldeý 704 basty quraıdy.
Bıylǵy jyly sharýashylyq 19.2 myń gektar alqaptan 23 myń tonna astyq jınady. Gektar berekesi ortasha 15,4 tsentnerden aınaldy.
Sharýashylyq aýylda áleýmettik salanyń damýyna da zor úles qosyp keledi.
Jaqynda ǵana 50 mıllıon teńgege boı kótergen mádenı demalys ortalyǵy sonyń aıqyn dáleli.
Ortalyqta qoǵamdyq tamaqtanýǵa, saltanattardy uıymdastyrýǵa barlyq jaǵdaılar jasalǵan. Aýyl bıznesiniń damýyna on baǵasyn bergen aımaq basshysy aldaǵy ýaqytta da bul baǵytta qoldaý kórsetetinin atap ótti.
Sonymen qatar, bıylǵy jyly «Jumyspen qamtýdyń jol kartasy-2020» baǵdarlamasy sheńberinde 91,7 mıllıon teńgege Podgornyı orta mektebine kúrdeli jóndeý jumystary júrgizilgen.
Mektep dırektory Altynaı Samanbaevanyń aıtýynsha, osynda bilim alyp jatqan 128 oqýshy bıznestiń áleýmettik jaýapkershiligi aıasynda tegin ystyq tamaqpen qamtamasyz etilgen. Osy baǵytta «Podgornoe-1» JShS-men 1,1 mıllıon teńgege memorandýmǵa qol qoıylǵan.
Aýdanǵa sapary barysynda aımaq basshysy Belaǵash aýylyndaǵy «Jaqsy sý Arnasy» kommýnaldyq kásipornynyń jumysymen de tanysty.
Sonymen qatar aýdan ortalyǵynda jeke máselelerimen kelgen turǵyndardy qabyldap, saýaldaryna qulaq túrdi.
Sapar sońynda aýdan aktıvine qatysyp, óńirdiń 11 aıdaǵy áleýmettik-ekonomıkalyq damýynyń qorytyndysyn shyǵardy. Oblys ekonomıkasynyń damýyna ár salada eleýli úles qosqan Jaqsy aýdanynyń bir top turǵynyna marapattar tabys etili.
