Aqmola oblysynda 120 myńnan astam oqýshy qashyqtan bilim alyp jatyr
KÓKShETAÝ. QazAqparat – Aqmola oblysynda 120 myńnan astam oqýshy tórtinshi toqsanda qashyqtan bilim alýda, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, qashyqtan oqytý ádisi «El Arna» jáne «Balapan» telearnalary, sondaı-aq, «BilimLand», «AiTube», «SSabak.kz», «DDaryn.online», «Youtube» ınternet-resýrstary men WhatsApp, Telegram messenjerleri arqyly júzege asyrylýda.
Muǵalimder baǵany «Kúndelik» aqparattyq júıesi arqyly toltyrady. Arshaly aýdanyndaǵy mekteptiń 7 synyp oqýshysy Seıdildá Sultan qashyqtan oqytý ádisi kóńilden shyqqanyn aıtýda.
«Men birinshi ret qashyqtan oqyp otyrmyn. Jańa format ózime unady. Kórkem jáne qyzyqty sabaqta jańa materıaldy ıgerýge jeńil. Taqyryp boıynsha WhatsApp arqyly suraq qoıyp, jaýap alýǵa bolady. Sabaq mekteptegindeı dástúrli sabaq sııaqty ótti», - deıdi oqýshy.
Vedomstvonyń málimetinshe, óńirde qashyqtan oqytý kezinde týyndaıtyn máselelerdi sheshý jóninde arnaıy shtab quryldy. Sonymen qatar, 20 koll-ortalyq jumys isteıdi, mamandar kún saıyn tehnıkalyq jáne ádistemelik kómek kórsetip otyrady.
Aıta keteıik, óńirde barlyq mektepter qashyqtan oqytý formatyna kóshken joq. Shaǵyn komplektili mektepterdeg barlyǵy 5 myńǵa jýyq oqýshy dástúrli túrde bilim alýda.
Aqmola oblystyq bilim basqarmasy basshysynyń orynbasary Botagóz Dúısenovanyń bul mektepterde sanıtarlyq normalar kúsheıtilgen.
«Oqýshylar synyptan synypqa kóship júrmeıdi. Sabaq 30 mınýtqa sozylady. Ár sabaq saıyn synypta dezınfektsııa júrgiziledi. Bul sharalardyń barlyǵy oqýshylardyń qaýipsizdigi úshin. Barlyq oqýshy maska jáne saýsaqty qolǵap kıip júredi», - dep túsindirdi Botagóz Dúısenova.
Eske sal keteıik, Qorǵaljyn aýdanynda 12 mekteptiń oqýshylary dástúrli oqytý ádisimen bilim alyp jatyr.
