Aqmola oblysynda 120-dan astam adam orman órtin sóndirdi
Vedomstvonyń málimetinshe, daladaǵy qurǵaq shópten shyqqan órt orman alqabyna jaıylǵan. Órt bolǵan jerde Aqmola oblysynyń ákimi Ermek Marjyqpaev pen TJD bastyǵy polkovnık Nurlan Atyǵaevtyń tóraǵalyǵymen jedel shtab quryldy. Tilsiz jaýdy aýyzdyqtaý jumystarynyń barysyn QR TJ mınıstri ıÝrıı Ilın jeke baqylaýyna aldy.
«Halyqty tabıǵatqa uqypty qaraýǵa shaqyrý kerek. Bizde Býrabaı, Zerendi kýrorttyq aımaqtar, týrıster kóp, astanalyq jasyl beldeý jáne Kókshetaýdyń aınalasynda úlken orman alqaby bar. Biz bárin erekshe baqylaýda ustaýymyz kerek», - dedi Ermek Marjyqpaev.
Órtti sóndirýge TJD jeke quramynan 115 adam jáne 10 tehnıka, 5 avtotsısterna, 2 vahtalyq kólik, 1 komandalyq-shtabtyq mashına,«Buqpa» orman sharýashylyǵynan 47 adam jáne 6 tehnıka, 3 avtotsısterna, «Úrimqaı» orman sharýashylyǵynan 5 adam jáne 1 tehnıka, «Orman jáne ańshylyq sharýashylyǵynyń jedel den qoıý jasaǵy» mekemesinen 6 adam jáne 2 birlik tehnıka, «Qazavıaqutqarý» aktsıonerlik qoǵamynan 3 ekıpaj múshesi, 2 tehnıka jáne MI-8 tikushaǵy, sonymen birge, «Qazavıaormanqorǵaý» kásipornynyń, jergilikti atqarýshy organdar, oblystyq Tabıǵı resýrstar basqarmasynyń qyzmetkerleri jumyldyryldy.
«Órt bolǵan jerge «Qazavıaqutqarý» - dyń MI-8 tikushaǵy arqyly 81 tonna sý shashyldy. Qazirgi kezde eldi mekenderge órtten qaýp joq. TJD jáne orman sharýashylyǵy basqarmasynyń qyzmetkerleri baqylaýǵa alǵan», - dedi vedomstvodan.
Aıta ketsek, budan buryn Aqmola oblysynda 17 jastaǵy jasóspirim qyz sýǵa batyp ketkenin jazǵan edik.
