Aqmola oblysynda 12 pedagog jalǵan dıplommen jumys istegen

KÓKShETAÝ. QazAqparat - Aqmola oblysynda 12 pedagogtyń aýyldyq jerlerde jalǵan dıplommen jumys istegeni anyqtaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, bul muǵalimder matematıka, qazaq tilderi pánderinen sabaq berip kelgen.

«Máselen, 2020 jyldyń 16 qazanynda polıtsııa qyzmetkerleri óńirdegi aýyldardyń birinde turatyn 31 jastaǵy áıeldiń jalpy bilim beretin mektepke pedagog retinde jumysqa ornalasýy úshin aýdandyq bilim bólimine joǵary bilim jóninde jalǵan dıplom bergenin anyqtady.

«Jalǵan pedagogtyń ústinen Qylmystyq kodekstiń 385-baby 3-bóligi («Jalǵan qujat, shtamp, mór, blank, poshta tóleminiń memlekettik belgisi, memlekettik nagrada jasaý jáne satý») boıynsha is qozǵaldy. Kúdikti qylmysyn moıyndady. Ol dıplomnyń jalǵan ekenin bilgen jáne ony satyp alý úshin qyrýar aqsha tólegen», - dedi vedomstvodan.

Aıta keteıik, dıplomy jalǵan bolyp shyqqan muǵalimderdiń barlyǵy 2 jyldan astam ýaqyt jumys istegen.