Aqmola oblysynda 12 mektep pen 6 balabaqshanyń qurylysy júrip jatyr
Basqarma basshysynyń aıtýynsha, ótken jyly óńirde ónerkásip ónimin óndirý kólemi 1,1 trln teńgeni qurady.
«Indýstrııalandyrý kartasyn iske asyrý kezeńinde 428,8 mlrd teńgege 112 joba iske asyrylyp, 11 myń jumys orny quryldy. 2021 jyly 88,6 mlrd teńgeniń 9 jobasy paıdalanýǵa berilip, 564 jańa jumys orny ashyldy», - dedi Q.Dúzelbaev.
Óńirde aýyl sharýashylyǵynyń jalpy ónim kólemi - 745,5 mlrd teńge.
Jumys istep turǵan ShOB sýbektileriniń sany - 48,5 myń, bul 2020 jyldyń kórsetkishinen 4,3 paıyz joǵary.
«Bıznestiń jol kartasy-2025» baǵdarlamasyn iske asyrýǵa 2021 jyly 7,2 mlrd teńge bólindi, onyń ishinde nesıe boıynsha paıyzdyq mólsherlemeni sýbsıdııalaýǵa – 4,3 mlrd teńge, ishinara kepildendirýge – 1,3 mlrd teńge, granttarǵa – 110 mln teńge, jas kásipkerlerge memlekettik granttarǵa – 60 mln teńge, ShOB nysandaryna jetispeıtin ınfraqurylymdy jetkizýge – 1,4 mlrd teńge», - dep atap ótti Q.Dúzelbaev.
Aqmola oblysynda qurylys jumystarynyń kólemi 198,4 mlrd teńgeni nemese 2020 jyldyń kórsetkishine qaraǵanda 115,8 paıyzdy qurady.
600,1 myń sharshy metr turǵyn úı paıdalanýǵa berildi.
Basqarma basshysy atap ótkendeı, óńirdegi ortasha aılyq ataýly jalaqy 2021 jylǵy qańtar-qyrkúıekte 195,4 myń teńgeni qurady, bul 2020 jylǵy deńgeıden 19,9 paıyzǵa joǵary.
Tutyný baǵasynyń ındeksi - 108,9 paıyz, onyń ishinde azyq-túlik taýarlary - 110,9 paıyz boldy.
«2022 jyldyń 1 qańtaryna 418,8 mlrd teńge nemese qarjylandyrý josparyna 98,7 paıyz ıgerildi. Memlekettik bıýdjetke 255,6 mlrd teńge salyq jáne basqa da mindetti tólemder tústi nemese boljamǵa 103,8 paıyz», - dep tolyqtyrdy Q.Dúzelbaev.
Óńirde 3 jastan 6 jasqa deıingi balalardy mektepke deıingi bilim berýmen qamtý 100 paıyzdy qurady.
2021 jyly Tselınograd aýdanynyń Razdolnoe jáne Araıly aýyldarynda eki mektep, Kókshetaý qalasyndaǵy №1 jáne №4 mektepterdiń oqý korpýstaryna japsarlanyp salynǵan eki ǵımarat paıdalanýǵa berildi.
Sondaı-aq Tselınograd aýdanynyń Tóńkeris aýylynda modýldik mektep satyp alyndy.
Arshaly, Birjan sal, Sandyqtaý, Tselınograd aýdandarynda, Stepnogor, Qosshy jáne Kókshetaý qalalarynda 12 mekteptiń, sondaı-aq Tselınograd aýdanynda, Qosshy jáne Kókshetaý qalalarynda alty balabaqshanyń jáne Aqkól aýdanyndaǵy №4 mektepke japsarlas qurylystyń, oblys ortalyǵyndaǵy №4 arnaıy mektep-ınternattyń qurylysy boıynsha jobalardy iske asyrý jalǵasyp jatyr.
«Densaýlyq saqtaý salasynda Tselınograd aýdany Qaraótkel aýylynda bir aýysymda 25 adam qabyldaıtyn dárigerlik ambýlatorııa paıdalanýǵa berildi. Qosshy qalasynda bir aýysymda 100 adam qabyldaıtyn emhana qurylysy aıaqtalý satysynda. Tselınograd aýdany Qoıandy aýylynda 50 kelýshige arnalǵan alǵashqy medıtsınalyq-sanıtarlyq kómek ortalyǵynyń qurylysy jalǵasýda», - dep túıindedi Q.Dúzelbaev.
Budan buryn habarlanǵandaı, Aqmola oblysynda 17 myńnan astam jańa jumys ornyn qurý qajet.