Aqmola oblysynda 11 jel generatory jobasy júzege asyrylmaq
KÓKShETAÝ. QazAqparat - Aqmola oblysynda balamaly energetıka salasy belsendi damýda. Osy rette, qatań kontınentaldy klımaty bar aımaqta jańartylatyn energııa kózi retinde jel kúshi qoldanylýda, dep habarlaıdy QazAqparat tilshisi
Zerendi aýdanynyń Elikti aýylynda 11 jel generatorynyń qurylysy jobasy boıynsha ótken qoǵamdyq tyńdaýda «Etalon Paýer» JShS-niń ókili Ashat Jaqsybergenov turǵyndardy tanystyrdy.
Kásiporyn aýyl mańynda 100 gektar aýmaqqa jel elektr stansasynyń qondyrǵylaryn ornalastyrýdy josparlap otyr. Danııalyq óndirýshi «Vestas» qondyrǵylarynyń qýaty 18 MVt, dıametri 20 metr, al jobanyń quny - 11 mıllıard teńgeni quraıdy.
Zerendi aýdanynyń ákimi Asen Jaqsylyqov jergilikti qoǵamdastyqty jobany qoǵamdyq baqylaýǵa belsendi qatysýǵa, onyń barlyq kezeńderinde qurylysqa monıtorıng júrgizýge shaqyrdy. Onyń aıtýynsha, jobada jumys oryndary uıymdastyrylady. Ýchaskeni qorshaý elektr stantsııasyn salý kezinde múmkin bolady, olar aıaqtalǵannan keıin joıylady.
Óńirdiń kún elektr stantsııalaryn salý jobalaryn iske asyrýda tabysty tájirıbesi bar. Búgingi tańda balamaly energetıka salasynda birneshe ınvestıtsııalyq jobalar iske asyryldy – Ereımentaý aýdanyndaǵy jel elektr stantsııasy, Tselınograd aýdanyndaǵy jel energetıkalyq qondyrǵy, sondaı-aq Arshaly aýdanynda qýaty 100 MVt jel elektr stantsııasyn salý boıynsha iri joba iske asyrylýda. Budan basqa, Ereımentaý aýdanynda taǵy 2 jel elektr stantsııasyn jáne Tselınograd aýdanynda jańartylatyn energııa kózderin paıdalana otyryp kún elektr stantsııasyn iske asyrý boıynsha jumystar júrgizilýde.
