Aqmola oblysynda 11 jasóspirim narkologııalyq esepke alynǵan
KÓKShETAÝ. QazAqparat - Aqmola oblysynda 11 jasóspirim narkologııalyq esepke alynǵan, dep habarlaıdy «QazAqparat» HAA tilshisi.
ІІD baspasóz qyzmetiniń málimeti boıynsha, esirtki bıznesimen kúres jónindegi basqarma qyzmetkerleri esirtki saýdasynyń jolyn kesý maqsatynda jyl saıyn jergilikti jastar uıymy men jasópirimderdiń qatysýymen túrli jedel aldyn alý sharalaryn júzege asyryp keledi.
Sońǵy kezderi bul sharalar oń nátıje berýde. Máselen, aǵymdaǵy jyldyń basynan beri oblysta barlyǵy 793 adam narkologııalyq dıspanserde esepke alynǵan. Nashaqorlardyń ishinde 11-i kámelettik jasqa tolmaǵandar. Bul ótken jylmen salystyrǵanda jaǵdaıdyń sál jaqsaryp kele jatqandyǵyn bildiredi. Byltyrǵy jyldyń sáıkes kezeńinde oblysta 19 nashaqor jasóspirim tirkelgen bolatyn.
Nashaqorlyqty aldyn alý baǵytynda «Nashaqorlyqqa qarsy baǵyttaǵy eń úzdik vıdeosıýjet» baıqaýy uıymdastyryldy.
Baıqaý qorytyndysyna saı Atbasar aýdanynyń bilim bólimi janyndaǵy balalar men jasósipirmder ortalyǵynyń oqýshylary jeńimpaz atandy. Bar-joǵy 4 mınýtke sozylatyn rolıkte Ekaterına Anohına, Kamıla Atabaeva jáne Kırıll Mıller esirtki qoldanýdyń adam aǵzasyna tıgizetin zııandaryn keńinen túsindirip berdi.
Al, «Men ómirdi tańdaımyn» atalymynda Zerendi aýdanynyń Prırechenskıı orta mektebiniń oqýshylary, «Jarqyrap ómir súr» atalymy boıynsha Esil aýdanyndaǵy Zarechnoe orta mektebiniń oqýshylary jeńimpaz atandy. Jeńimpazdardyń barlyǵyna Alǵys hattar tapsyryldy.
