Aqmola oblysynda 11 donorǵa tósbelgi tabystaldy
KÓKShETAÝ. QazAqparat - Aqmola oblysynda tuńǵysh ret Donor kúni 11 donor «Densaýlyq saqtaý isine qosqan úlesi úshin» tós belgisimen marapattaldy, dep habarlaıdy «QazAqparat» HAA tilshisi.
Oblystyq qan ortalyǵynda Dúnıejúzilik donor kúnine oraı uıymdastyrylǵan sharaǵa atalmysh medıtsınalyq mekemeniń bas dárigeri Sáken Qalymjanov qatysyp, quttyqtaý sóz sóıledi.
«Bıyl QR Densaýlyq saqtaý mınıstrliginiń qoldaýymen donorlarǵa «Densaýlyq saqtaý isine qosqan úlesi úshin» tós belgisi tapsyrylyp otyr. Adam ómiri úshin arasha túsýge árdaıym daıyn turatyn donorlarǵa alǵys bildiremin», - dedi bas dáriger.
Olardyń arasynda kókshetaýlyqtar Maqsat Quljanbekov, Vladımır Prýd, Erden Jantasov, Natalıa, Elena Belan, Egor Fılıppov, Sansyzbaı Kólbaev, Dmıtrıı Pankovets, Snejana Mılashenko, Sergeı Tyşenko, Lıazzat Hametovalar bar.
Sonymen qatar, Asqar Nurtazın, Dmıtrıı Tobolko, Oleg Kasparıan, Nıkolaı Kolesnıkov, Qaırat Baıanov, Galına Nadına tárizdi azamattar oblystyq qan ortalyǵy bas dárigeriniń Qurmet gramotalarymen marapattaldy.
«Eń alǵash ret stýdent kezimde qan tapsyrdym. Keıin birneshe ret qan tapsyryp, turaqty donor atandym. Qan tapsyrý adamnyń ómirin saqtap qalýǵa ǵana emes, gýmanızm, meıirimdilikke tárbıeleıdi», - deıdi 30 jylǵa jýyq ýaqyt qan tapsyryp kele jatqan donor Asqar Nurtazın.
Jalpy, qazirgi tańda Aqmola oblysynyń ortalyǵynda 500-den astam donor tirkelgen.
