Aqmola oblysynda 105 ańshy men balyqshy ákimshilik jaýapqa tartyldy
KÓKShETAÝ. QazAqparat – Aqmola oblysynda 105 ańshy men balyqshy ákimshilik jaýapqa tartyldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, aǵymdaǵy jylǵy sáýirdiń 15-nen bastap óńirde jalpy respýblıkalyq «Saıǵaq» tabıǵatty qorǵaý aktsııasy ótýde. Sharanyń maqsaty - tóldeý jáne súttený kezeńinde kıikterdi qorǵaýdy kúsheıtý, sondaı-aq, oblys aýmaǵynda tabıǵatty qorǵaý zańnamasyn buzýshylyqtardyń jolyn kesý boıynsha birlesken is-sharalardy uıymdastyrý bolyp tabylady.
Aktsııa kezinde polıtsııa qyzmetkerleri «Ohotzooprom» respýblıkalyq memlekettik qazynalyq kásiporyny men orman sharýashylyǵy jáne janýarlar dúnıesi bólimsheleriniń qyzmetkerlerimen birlesip, aqbókenderdiń múıiziniń zańsyz aınalymyna, olardy oblystan tys jerlerge áketýge qarsy is-qımyl jónindegi sharalardy kúsheıtý boıynsha arnaıy mobıldik toptar quryp reıdter júrgizýde.
«Aktsııa bastalǵannan beri jedel-izdestirý toptary óńirde birqatar reıdtik is-sharalar ótkizdi, sonyń nátıjesinde tabıǵatty qorǵaý zańnamasyn buzý jáne tabıǵatty zańsyz paıdalanýdyń 105 oqıǵasy anyqtaldy», - deıdi vedomstvodan.
Qabyldanǵan sharalardyń nátıjesinde Ákimshilik kodekstiń 484-baby (qarýdy berý, esepke alý, saqtaý tártibin buzý) boıynsha 30 ákimshilik hattama toltyryldy, sodaı-aq, Ákimshilik kodekstiń 382-baby boıynsha ań aýlaý erejelerin buzǵan 75 adam ákimshilik jaýapkershilikke tartyldy.
