Aqmola oblysynda 100 tonna shóp órtenip ketti
KÓKShETAÝ. QazAqparat - Stepnogor qalasynda 105 tonna shóp órtenip ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt 2 qyrkúıekte keshki saǵat 21:36 shamasynda Stepnogor qalasynan 15 shaqyrym jerdegi Qyryqqudyq aýylynda bolǵan.
«Órtten 105 tonna shóp janyp ketti. Eshkim zardap shekken joq. Qazirgi kezde órttiń sebebi men keltirilgen shyǵyn kólemi anyqtalýda. Tilsiz jaýdy aýyzdyqtaýǵa TJD jeke quramynan 4 qymetker men 1 tehnıka, jergilikti atqarý organdarynan 5 adam jáne 1 tehnıka, erikti órt sóndirý qurylymynan 5 jumysshy jáne 1 tehnıka, aýyldyń 20 turǵyny jumyldyryldy. Órt kelesi kúni tańǵy 06:30 aýyzdyqtalyp, saǵat 08:45 sóndirildi», - dep túsindirdi vedomstvodan.
