Aqmola oblysynda 100 myńǵa jýyq adam emhanalarǵa tirkeldi

«Áleýmettik medıtsınalyq saqtandyrý qorynyń» Aqmola oblystyq fılıaly taratóan habarlamaǵa qaraǵanda, aqmolalyqtardyń kópshiligi ózderi tańdaǵan emhanalarǵa baryp tirkelse, 71 adam egov.kz portaly arqyly onlaın tirkeý qyzmetin tańdaǵan.

Aldaǵy ýaqytta emhananyń tirkeý bólimderi arqyly tirkelý toqtatylady. Bul sheshim júıeli problemalardy joıyp, qyzmetin asyra paıdalaný jáne falsıfıkatsııa faktileriniń aldyn alý maqsatynda qabyldanyp otyr.

«Buǵan eshqandaı alańdaýdyń qajeti joq. Birinshiden, tirkelý úshin emhanaǵa aıaqtaı baryp úırengen azamattar Halyqqa qyzmet kórsetý ortalyqtarynyń qyzmetine júgine alady. Atalǵan ortalyqtarda Connection Point bólimsheleri bar, olar egov portalyna qosylǵan. Sol jerde arnaıy keńesshiler otyrady. Ekinshiden, egov.kz jýyrda Telegram botyn iske qosty. Smartfonnyń kómegimen osy bot arqyly birer mınýtta tirkelýge bolady. Úshinshiden, qazir ózińizdi ǵana emes, balalardy da onlaın rejımde tirkeýge múmkindik týdy. Júıe barlyq málimetterdi qysqa merzim ishinde, avtomatty túrde shyǵaryp beredi. Bul protsesti barynsha jeńildetedi ári artyq qujat talap etilmeıdi», - dedi Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń  Aqmola oblystyq fılıalynyń dırektory Nurlan Aqylbekov.

Belgili bolǵandaı bıylǵy jyly naýqanǵa 25 medıtsınalyq uıym tartylsa, onyń ekeýi birinshi alǵash ret qatysyp otyr. Olar tegin medıtsınalyq kómektiń kepildi kólemi sheńberinde halyqqa keler jyldan bastap kómek kórsete alady.

Tirkeý naýqany - emhana aýystyrýdyń jalǵyz joly emes. Qazaqstandyqtardyń jylyna bir ret emhana aýystyrýǵa múmkindigi bar. Sonymen qatar, qonys aýdarǵanda, emhana jabylyp qalsa nemese MSQ-men kelisimshartty buzsa, jaqyn mańnan jańa emhana salynsa, emhana qyzmetine qatysty shyǵyndardy jabatyn erikti medıtsınalyq saqtandyrý kelisimshartyn bekitken jaǵdaıda basqa emhanaǵa aýysýǵa bolady.