Aqmola oblysynda 100-ge jýyq jylqyny aıdap áketken barymtashylar ustaldy
KÓKShETAÝ. QazAqparat - Aqmola oblysynda 91 jylqyny aıtap áketken barymtashylar toby ustaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha Arshaly jáne Tselınograd aýdanynyń ІІB qyzmetkerleri Arshaly aýdanynyń Jibek joly aýyly turǵynynyń qorasynan urlanǵan jylqylardy tapqan.
Keıin jylqylardyń 2-shi qazan kúni Qaraǵandy oblysyndaǵy Nura aýdany Ahmet aýylynan jaıylyp júrgen jerinen urlanǵany anyqtaldy. Jedel-izdestirý sharasy barysynda kúdiktilerdiń bir úıir jylqyny Arshaly aýdanyndaǵy Jibek joly aýylyna jasyrǵany belgili boldy. Artynsha, Jibek joly jáne Saryoba aýyldarynda osy qylmysqa qatysty 4 kúdikti ustaldy. Kúdiktilerdiń esh jerde jumys istemeıtini anyqtaldy. Oǵan qosa, astanalyq 1979 jylǵy taǵy bir kúdikti (sharýa qojalyǵynyń basshysy) qolǵa tústi.
Qazirgi kezde urlanǵan jylqylardyń bir bóligi ıesine qaıtaryldy. Sondaı-aq, osy urlyqqa baılanysty qozǵalǵan qylmystyq is materıaldary Qaraǵandy oblysynyń Nura aýdandyq ІІB joldandy.
Jalpy, jyl basynan beri Aqmola oblysy aýmaǵynda mal urlyǵyna qatysty 150 qylmystyń beti ashyldy.
