Aqmola oblysynda 100-ge jýyq kólik jolda turyp qaldy
KÓKShETAÝ. QazAqparat - Aqmola oblysynda avtojoldardyń jabylýyna baılanysty birqatar blokposta avtokólikter turyp qaldy, dep habarlaıdy QazAqparat tilshisi.
«Arshaly aýdany aýmaǵynda «Nur-Sultan-Qaraǵandy» baǵyty boıynsha avtojoldyń jabylýyna baılanysty Nur-Sultan qalasynan shyqqan 100-ge jýyq avtokólik jolda turyp qaldy. Qutqarýshylar men polıtsııa qyzmetkerleri kólik júrgizýshiler jáne jolaýshylarmen tótenshe jaǵdaılardy boldyrmaý úshin eldi mekenge oralý qajettiligi týraly túsindirý jumystaryn júrgizýde», - dep atap ótti Aqmola oblystyq TJD baspasóz qyzmetindegiler.
«QazAvtoJoldyń» habarlaýynsha, qar alyp qalǵan joldardy tazartý jumystary jalǵasýda. Alaıda, ekpindi jel men burqasyn jolshylardyń jumysyna biraz qıyndyqtar týǵyzýda. Osy rette, Qaraǵandy qalasynan elorda baǵytyna shyǵa beriste 235-ke jýyq avtokólik quraly jolda qalǵan.
