Aqmola oblysynda 100-den astam blokpostyń 70-i jumysyn jalǵastyrady
KÓKShETAÝ. QazAqparat - Aqmola oblysynda 100-den astam blokpostyń 70-i jumysyn jalǵastyrady. Bul týraly aımaq basshysynyń orynbasary Aına Mysyrálimovanyń qatysýymen ótken onlaın brıfıngte aıtyldy, dep habarlaıdy QazAqparat tilshisi.
A. Mysyrálimovanyń aıtýynsha, óńirde karantın rejımi tolyq alynbaǵanyna qaramastan, búginnen bastap kóptegen salanyń qyzmeti qalpyna kele bastady. Dúkenderdiń birazy ashylyp, sən salondarynyń, bilim ortalyqtarynyń, taǵy basqa nysandardyń qyzmeti qaıta jandana túsken. Shaǵyn jəne orta bıznes, iri kásiporyndar jańa erejelerge səıkes jumys isteýde.
«Əleýmettik araqashyqtyqty saqtaý, kópshilik jınalǵan jerde maska taǵyp júrý – qalypty jaǵdaıǵa aınalýy tıis. Tótenshe jaǵdaıǵa baılanysty ashylǵan 100-den astam blokpostyń 70-i jumysyn jalǵastyrady. Bul – bizdiń oblys turǵyndarynyń densaýlyǵy úshin qajet. Sondaı-aq, tótenshe jaǵdaıǵa baılanysty óńirlik jedel shtabtyń jumysy da jalǵasady. Oblysta 20 myń adamǵa test jasaldy, olardyń barlyǵy da teris nətıje kórsetti», - dedi ákim orynbasary.
Osy rette, ol barsha aqmolalyqtardy karantın tərtibine shydamdylyq tanytyp, saqtyq sharalaryn ustanýǵa shaqyrdy.
Sonymen qatar, brıfıngte oblystyń bas sanıtarlyq dərigeri Aınagúl Mýsına karantın rejıminiń saqtalýyna baılanysty jańadan qabyldanǵan qaýlynyń talaptary týraly aıtyp berdi.
