Aqmola oblysynda 10 jasar balany poıyz qaǵyp, mert qyldy
KÓKShETAÝ. QazAqparat - Aqmola oblysynyń Ereımentaý stantsııasynda 10 jastaǵy mektep oqýshysy poıyz astyna túsip, kóz jumdy, dep habarlaıdy QazAqparat tilshisi.
Ereımentaý aýdany ákiminiń orynbasary Battal Ybraevtiń aıtýynsha, qaıǵyly oqıǵa demalys kúni, 10 mamyrda bolǵan. T emirjol b ala turatyn úıge jaqyn ornalasqan.
«Oqıǵaǵa baılanysty tergeý sharalary júrgizilip jatyr. 4-synyp oqýshysy temirjoldyń ruqsat etilmegen jerinen ótpek bolǵan. Ol jerde belgilengen temirjol ótpesi joq. Odan ári kópir bar, avtobýstar júredi. Bala, ókinishke oraı, osy ýaqytta eresekterdiń qadaǵalaýynsyz bolǵan», - dep túsindirdi B.Ybraev.
Sonymen qatar, Kóliktegi polıtsııa departamentiniń baspasóz qyzmetinen málim etkendeı, atalǵan fakti QR QK-niń 344-baby 2-bóligimen Nur-Sultan stantsııasyndaǵy jelilik polıtsııa basqarmasynyń sotqa deıingi tergeýdiń biryńǵaı tizilimine tirkeldi.
«Tergeý júrgizilýde. Ózge aqparat QR Qylmystyq is júrgizý kodeksiniń 201-babynyń talaptaryna sáıkes jarııa etilmeıdi», - dep tolyqtyrdy vedomstvodan.
