Aqmola oblysynda 10 myńǵa jýyq adam tumaýǵa qarsy ekpe aldy
«Aqmola oblysynda 9610 adam tumaýǵa qarsy ekpe aldy. Bul - ekpe salý josparlanǵan adamdardyń 12,7 paıyzy. Sanattarǵa bóletin bolsaq, 39 júkti áıel, 2133 medıtsınalyq qyzmetker, 381 medıtsınalyq baqylaýǵa alynǵan bala, 89 ata-anasyz jetim, 743 medıtsınalyq-áleýmettik kómek alýshy, júrek-qantamyr aýrýymen aýyratyn 2767 naýqas, epıdemıologııalyq kórsetkish boıynsha 3458 adam bar», - deıdi oblystyq taýarlar men qyzmetterdiń sapasy men qaýipsizdigin baqylaý departamentiniń baspasóz qyzmeti.
Aıta ketsek, qyrkúıektiń 15-inde Aqmola oblysynda tumaýǵa qarsy vaktsınatsııa jumystary bastalǵan bolatyn.
Oblys aýmaǵynda ekpe egetin 293 em-shara kabıneti anyqtalyp otyr. «Qaýipti» toptaǵy tulǵalarǵa ekpe egý úshin tegin 82 048 vaktsına qarastyrylǵan.
Osy baǵytta jergilikti bıýdjet esebinen 13 mıllıon 962 myń teńgege 16,1 myń reseılik «Grıppol plıýs» vaktsınasy satyp alyndy.
Bul vaktsına bıylǵy epıdemologııalyq maýsymda baıqalady dep boljanyp otyrǵan tumaýdyń A jáne V túrlerine qarsy egilip jatyr.