Aqmola oblysynda 10 kún buryn jolǵalǵan áıel tabyldy

KÓKShETAÝ. QazAqparat – Aqmola oblysynda iz-túzsiz joǵalǵan úsh balanyń anasy 10 kúnnen keıin tabyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, 34 jastaǵy Marııanyń joǵalǵandy týraly naýryzdyń 20-da kúıeýi Qosshy qalasyndaǵy polıtsııa bólimshesine habarlap aıtqan. Ol naýryzdyń 12-sinde saǵat 23:00 jumystan shyǵyp, úıine oralmaǵan. Úıinde úsh balasy qalǵan.

«Krımınaldyq polıtsııa qyzmetkerleri men ózge de qyzmetter birlesip, izdestirý sharalaryn qolǵa aldy. Joǵalǵan áıeldiń tanystary men týystarynan surap bildi. Sonyń nátıjesinde naýryzdyń 22-sinde áıeldiń Qosshy qalasyndaǵy «Lesnaıa polıana» turǵyn úı keshenindegi páterde bolǵany anyqtaldy. Qazirgi ýaqytta ıývenaldy polıtsııa qyzmetkerleri bul áıeldi kámeletke tolmaǵandardy tárbıeleý, oqytý nemese kútip-baǵý jónindegi óz mindetterin oryndamaıtyn, sondaı-aq olardyń minez-qulqyna teris áser etetin ata-ana retinde profılaktıkalyq esepke jáne baqylaýǵa aldy», - dedi vedomstvodan.

Aıta ketsek, Kókshetaýda Qopa kólinen mına tabyldy.