Aqmola oblysynda 1 jasar bala jol apatynan kóz jumdy
STEPNOGOR. QazAqparat - Aqmola oblysynyń «Aqsý - Bestóbe - Izobılnoe» tasjolynda jol apaty bolyp, bir jasar sábı kóz jumdy, dep habarlaıdy QazAqparat tilshisi.
Aqmola oblysy polıtsııa departamenti baspasóz qyzmetiniń málimetinshe, bıylǵy qarashanyń 10-da saǵat 12:10 shamasynda Stepnogor qalasy polıtsııa basqarmasynyń kezekshi bólimine «Aqsý-Bestóbe-Izobılnoe» avtojolynyń 18-shaqyrymynda jol apaty bolǵany týraly habar tústi.
Anyqtalǵandaı, Stepnogor baǵytynda júrip kele jatqan «Vaz-2110» avtokóliginiń júrgizýshisi rýldi basqara almaı, kólik joldyń shetindegi jyraǵa qulaǵan.
«Ókinishke oraı, jol-kólik oqıǵasy saldarynan alǵan jaraqattardan oqıǵa ornynda bir jasar bala kóz jumdy. Stepnogor qalalyq aýrýhanasyna «jabyq bas súıeginiń jaraqaty, mı shaıqalý, oń qolynyń jaraqaty» dıagnozymen eki jasar bala, 23 jastaǵy qyz jáne 48 jastaǵy áıel jetkizildi. Tıisti saraptama júrgizilip jatyr», - dep atap ótti vedomstvodan.
Bul oqıǵaǵa Qylmystyq kodekstiń 345-shi babynyń 3-shi bóligi boıynsha sotqa deıingi tergep-tekserýdiń biryńǵaı tizilimine engizildi.
