Aqmola oblysynda 1 mln teńgeniń astyǵy urlandy
KÓKShETAÝ. QazAqparat - Arshaly aýdanynyń Konstantınovka aýylyndaǵy JShS-niń aýmaǵynan 24 tonna astyq urlanyp, 1 mıllıon teńgeniń shyǵyny kelgen, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha osy urlyqqa qatysy bar Konstantınovka aýylynyń tórt turǵyny ustalǵan.
«Kúdiktiler qylmystaryn moıyndady. Urlanǵan astyqtyń bir bóligi tárkilenip, ıesine qaıtaryldy. Tergeý amaldary kezinde astyqtan bólek janar-jaǵar maıdyń da qoldy bolǵany anyqtaldy. Qazirgi kezde tergeý amaldary jalǵasýda»,- dep túsindirdi vedomstvodan.
