Aqmola oblysynda 1 mln teńge para alǵan bólim basshysy sottaldy

NUR-SULTAN. QazAqparat – Aqmola oblystyq aýyl sharýashylyǵy basqarmasynyń bólim basshysy alaıaqtyq jasaǵany úshin sottaldy, dep habarlaıdy QazAqparat tilshisi Sybaılas jemqoryqqa qarsy qyzmetke silteme jasap.

Vedomstvo málimetinshe, Aqmola oblysynyń sybaılas jemqorlyqqa qarsy qyzmeti «Aqmola oblysynyń aýyl sharýashylyǵy basqarmasy» MM egin shaýarshylyǵy jáne astyq naryǵyn retteý bóliminiń basshysy E.Bekturovtyń ústinen sybaılas jemqorlyq qylmysyn jasaǵany úshin tergeý júrgizgen.

Ol «Agrofırma Jer 888» JShS ókilinen 2017-2021 jyldarǵa arnalǵan QR agroónerkásiptik keshenin damytý memlekettik baǵdarlamasy aıasynda sýbsıdııa berý máselesin oń sheshkeni úshin 1 mln teńgeni aldaý jolymen ıemdený kúdigine ilingen bolatyn.

«Osy jyldyń 20 qańtarynda Kókshetaý qalalyq sotynyń úkimimen E.Bekturov alaıaqtyq jasaǵany úshin kináli dep tanylyp, oǵan 3 mln teńge kóleminde aıyppul salyndy jáne memlekettik qyzmette laýazym ıelený quqyǵynan aıyryldy», - dep atap ótedi sybaılas jemqoryqqa qarsy qyzmetten.