Aqmola oblysynda 1 mıllıon teńge jymqyrǵan medbıke ustaldy
Vedomstvonyń málimetinshe, sáýirdiń 26-da Tselınograd aýdandyq Polıtsııa departamentiniń baspasóz qyzmetine Aqmol aýylynyń 26 jastaǵy turǵynynan aryz tústi. Áıeldiń sózinshe, belgisiz bireý sáýirdiń 7-26 kúnderi aralyǵynda jeke medıtsınalyq mekeme esiginiń kiltin ashyp kirip, seıften 1 mıllıon teńgeden astam aqsha urlaǵan.
«Osyǵan baılanysty Qylmystyq kodekstiń 188 baby «urlyq» boıynsha sotqa deıingi tergeý amaldary qolǵa alyndy», - dedi vedomstvodan.
Jedel izdestirý sharasy barysynda aryz ıesiniń ózi aqshany alyp, eki aı boıy jumsaǵany, keıin aýyryp qalǵany anyqtaldy. Jumysqa shyqqan soń ol óz qylmysyn jasyrý úshin polıtsııa jalǵan aryz bergen. Áıel qylmysyn moıyndady.
«Qazirgi kezde kúdiktiniń ústinen Qylmystyq kodekstiń 419 baby «jalǵan málimet berý» boıynsha is qozǵalyp, sotqa deıingi tergeý amaldary júrgizilýde», - dep tolyqtyrdy.