Aqmola oblysynda 1 mamyrǵa deıin aýyr júk kólikterdiń qozǵalysy shekteldi
«Jol aktıvteri sapasynyń ulttyq ortalyǵy» RMK-nyń Aqmola oblysy boıynsha fılıaly baspasóz qyzmetiniń málimetinshe, kóktemgi sý tasqyny kezeńinde jol tósemin saqtaý úshin óńirdiń avtomobıl joldarynda shekteý engizildi jáne ol 2023 jylǵy 23 naýryzdan 1 mamyrǵa deıin kúshinde bolady.
«Aýyr júk kóliginiń qozǵalysy boıynsha shekteýler halyqaralyq tasymaldarǵa, sondaı - aq jol qurylysyna qajetti jáne tótenshe jaǵdaılardyń aldyn alý nemese joıý úshin qajetti azyq-túlik, dári-dármek, gýmanıtarlyq kómek jáne júkterdi tasymaldaýǵa qoldanylmaıdy», - dedi vedomstvodan.
Osy rette, «Jol aktıvteri sapasynyń ulttyq ortalyǵy» RMK-nyń Aqmola oblysy boıynsha fılıalynyń qyzmetkerleri men óńirlik kóliktik baqylaý ınspektorlary birlesip, avtomobıl joldaryndaǵy aýyr júk kóligi qozǵalysyna monıtorıng júrgizýde.
«Monıtorıng barysynda mamandar júktemeniń shekti ruqsat etilgen normasy men tasymaldaý erejelerine qoıylatyn talaptardyń saqtalýyn baqylaıdy. Sondaı - aq, kólik quraldarynyń salmaǵy men olardyń gabarıttik ólshemderi ólshenedi», - dep tolyqtyrdy vedomstvodan.
Aıta ketsek, Astana mańyndaǵy avtojolda 4 adam qaza boldy.
