Aqmola oblysynda 1 qarashadan jańa shekteýler engiziledi

KÓKShETAÝ. QazAqparat - Aqmola oblysynyń bas memlekettik sanıtarlyq dárigeriniń jańa qaýlysyna sáıkes 1 qarasha saǵat 00:00-den bastap óńirde birqatar shekteýler engiziledi. Osy qujatta kórsetilgen negizgi ózgerister týraly jýrnalıstermen ótken brıfıngide oblystyń bas memlekettik sanıtarlyq dárigeri Aınagúl Mýsına aıtyp berdi, dep habarlaıdy QazAqparat tilshisi.

Osy qaýlyǵy sáıkes, «Ashyq» jobasyna qatyspaıtyn obektiler boıynsha shekteýler saqtalady. «Ashyq» jobasyna qatysýshylar úshin jumys ýaqyty saǵat 00:00-ge deıin, joba jetekshileri úshin 02:00-ge deıin uzartyldy.

«Ashyq» jobasyna qatyspaıtyn mekemelerge saltanatty, estelik, otbasylyq is-sharalardy (banketter, úılený toılary, mereıtoılar) ótkizýge tyıym salynady. Jobaǵa qatysatyndar mundaı is-sharalardy qyzmetkerler men kelýshilerde qaýipsiz «jasyl» mártebe bolǵan jaǵdaıda (vaktsınatsııa, synamalardy irikteý sátinen bastap 7 táýlikten aspaıtyn teris nátıjemen PTR-test, turaqty medıtsınalyq qarsy kórsetilimderi bar, sońǵy úsh aı ishinde aýyryp jazylǵan adamdar) jáne 50 paıyzǵa deıin, biraq 50-den aspaıtyn oryn toltyrylǵan jaǵdaıda, «Ashyq» kóshbasshylary – 50 paıyzǵa deıin, oryn sany 70-ten aspaǵan jaǵaıda ótkize alady.

«Banket zaldarynda ótkiziletin «Ashyq» jobasyna qatysatyndardy qospaǵanda, eske alý asyn berýge tyıym salynady. Al «Ashyq» jobasyna qatysatyndar úshin saǵat 07:00 -den 00:00-ge deıin, al «Ashyq» jetekshilerine saǵat 07:00-den 02:00-ge deıin 50 adamnan asyrmaı ruqsat etiledi», - dep atap ótti Aınagúl Mýsına.

Demalys kúnderi qyzmetkerler men kelýshilerdiń qaýipsiz «jasyl» mártebesi bolǵan jaǵdaıda obektilerdiń jumysyna jol beriledi. «Jasyl» mártebeniń bolýyna qoıylatyn talaptar jáne jumys rejıminiń shekteýleri oblysaralyq jáne oblysishilik turaqty tasymaldarǵa, qonaq úılerge, bilim berý obektilerine, JOO-larǵa, kolledjderge, ınternattarǵa jáne bilim berý uıymdarynyń jataqhanalaryna qoldanylmaıdy.

«Aqmola oblysynyń óńirlik jedel shtaby otyrysynyń 2021 jylǵy 25 qazandaǵy hattamasyna sáıkes, memlekettik organdardyń, ónerkásiptik kásiporyndardyń, agroónerkásiptik sektordyń COVID-19-ǵa qarsy vaktsına almaǵan qyzmetkerleri úshin (sońǵy 3 aı ishinde turaqty medıtsınalyq qarsy kórsetilimderi bar jáne COVID-19-men aýyryp jazylǵan adamdardy qospaǵanda), uıymdardyń vaktsınatsııalanbaǵan qyzmetkerleri úshin (7 kúnde 1 ret) mindetti PTR-testileýmen (7 kúnde 1 ret) kúndizgi rejımde jumysqa jiberýdi shekteý boıynsha kontıngent keńeıtildi», - dep tolyqtyrdy A.Mýsına.