Aqmola oblysynda 1,8 myńnan astam bıznes joba qoldaý tapty
Aqmola oblystyq kásipkerlik jáne ónerkásip basqarmasynyń málimetinshe, óńirde «Bıznestiń jol kartasy-2025» baǵdarlamasy sheńberinde 166,3 mıllıard teńgeniń 1 592 jobasy maquldandy. Ótken jyly «Bıznestiń jrol kartasy-2025» baǵdarlamasy boıynsha 329 jobaǵa qoldaý kórsetildi. Qoldaýdyń negizgi túrleri sýbsıdııalaý, kredıtterge kepildik berý, memlekettik granttar berý, óndiristik ınfraqurylym júrgizý bolyp tabylady. «Eńbek» baǵdarlamasy boıynsha aýyldyq eldi mekenderde jáne shaǵyn qalalarda bıznes-jobalardy iske asyratyn nemese iske asyrýdy josparlaıtyn qatysýshylarǵa shaǵyn bıznes ashý, isin jańa bastaǵan jas jáne jumys istep júrgen kásipkerlerdiń qyzmetin keńeıtý, aýyl sharýashylyǵy kooperatıvterin qurý úshin shaǵyn nesıe berý kózdelgen.
«Oblysta «Eńbek» baǵdarlamasyn júzege asyrý barsynda jalpy somasy 3,2 mıllıard teńgege 290 joba, onyń ishinde ótken jyly 451,5 mıllıon teńgege 48 joba qarjylandyryldy. Bıyl shaǵyn nesıe bólý úshin 885 mıllıon teńge, nesıelerdi kepildendirýge 70,9 mıllıon teńge bólindi», - dedi vedomstvodan.
Halyq tutynatyn taýarlar, shıkizat jáne bastapqy qaıta óńdeý ónimderin óndirýdi qoldaýǵa baǵyttalǵan «qarapaıym zattar ekonomıkasyn» damytý jónindegi basym jobalardy kredıtteý tetigi sheńberinde «Rodına «Agrofırmasy» JShS, «Asyl Arman» JShS, «MILK PROJECT» JShS, «Kazyna SR» JShS, «Avıtsenna-Býrabaı» JShS jáne basqa da kásiporyndar óz jobalaryn iske asyrdy. Bıznesti qoldaý baǵdarlamalaryn iske asyrý Memleket basshysynyń 2025 jylǵa qaraı shaǵyn jáne orta bıznes ónimderiniń jalpy ishki ónimdegi úlesin 35 paıyzǵa deıin jetkizý jónindegi tapsyrmasyn oryndaýǵa qol jetkizýge múmkindik beredi.
