Aqmola oblysynda 1,5 tonna rýda jumysshyny basyp qaldy
KÓKShETAÝ. QazAqparat – Aqmola oblysynda jumysshynyń ólimine ákelip soqqan, eńbekti qorǵaý erjesiniń buzylýyna qatysty tergeý amaldary júrgizilýde, dep habarlaıdy QazAqparat tilshisi.
«Qaıǵyly jaǵdaı aqpannyń 16-da Zavodskoı kentindegi taý-ken metallýrgııa zaýytynyń aýmaǵynda oryn aldy. Saǵat 16:30 shamasynda úgitý apparatyna bıg-beg qabyna tıelgen salmaǵy 1,5 tonnaǵa jýyq rýdany túsirý kezinde ilmek úzilip, «SARECO» JShS-niń 36 jastaǵy jumysshysynyń ústine qulaǵany anyqtaldy. Er adam oqıǵa ornynda kóz jumdy», - dedi QazAqparat tilshisiniń saýalyna aýmaqtyq Polıtsııa departamentiniń baspasóz qyzmetinen.
Qazirgi ýaqytta osyǵan baılanysty Qylmystyq kodekstiń 156-baby 3-bóligi (eńbekti qorǵaý erejelerin buzý) boıynsha sotqa deıingi tergeý amaldary júrgizilýde. Sondaı-aq, tıisti saraptama taǵaıyndaldy.
