Aqmola oblysyna QazVak vaktsınasynyń 24 myń dozasy jetkizildi
Vaktsınaǵa raznarıadka daıyndaldy, endi ol oblystyń medıtsınalyq uıymdaryna tasymaldanady. Bul týraly brıfıngte oblystyq densaýlyq saqtaý basqarmasy basshysynyń orynbasary Nurlan Shaǵyrov málim etti, dep habarlaıdy QazAqparat tilshisi.
Onyń aıtýynsha, Aqmola oblysyna bıylǵy jyldyń aqpan aıynan bastap barlyǵy 629190 doza vaktsına jetkizilgen, onyń ishinde Spýtnık V - 487200, QazVak - 10990, HayatVax - 61000, SoronaVak - 48000, vero Cell - 22000. Osy mólsherdiń ishinde birinshi komponenttiń vaktsınalarynyń 332595 dozasy jáne ekinshi komponenttiń 296595 dozasy bar. Jalpy, aqpan aıynan bastap birinshi komponentti 264741 adam nemese 64,4 paıyzy ekinshi komponentti 221296 adam nemese 53,8 paıyzy aldy.
«Búgingi kúni oblystyń ónerkásip kásiporyndarynyń 18 168 qyzmetkeri vaktsına aldy. Onyń ishinde 6946 júıe quraýshy kásiporyndardyń qyzmetkerleri, 83 paıyzy pedagogter, 37 paıyzy stýdentter, 100 paıyzy memlekettik qyzmetkerler, 100 paıyzy sozylmaly aýrýlary bar adamdar, 75 paıyzy MÁM qyzmetkerleri men qamqorlyqtaǵylar», - dep túsindirdi N. Shaǵyrov.
Búgingi tańda aımaqta vaktsınalardyń birinshi komponentiniń 67834 dozasy (Spýtnık V – 51614, QazVak-12254,VeroCell - 4730) jáne vaktsınalardyń ekinshi komponentiniń 752792 dozasy (Spýtnık V – 49040, Hayat Vax - 950, QazVak - 13306, SoronaVak - 1003,vero Cell - 10980) bar.
Nurlan Shaǵyrov atap ótkendeı, 2021 jylǵy 27 tamyzda óńirdiń densaýlyq saqtaý basqarmasynyń qoımasyna 22600 doza-V Spýtnık (2 – komponent) vaktsınasy tústi, 2 qyrkúıekte QazVak – 24000 doza vaktsınasy jetkizildi. Vaktsınalarǵa raznarıadka daıyndalǵan, ol oblystyń medıtsına uıymdaryna tasymaldanady.
«Óńirde 133 egý pýnkti men 135 mobıldi brıgada jumys isteıdi. Vaktsınatsııaǵa 564 medıtsına qyzmetkeri, onyń ishinde 200 dáriger jáne 391 orta medıtsına qyzmetkeri tartylǵan. Sonymen qatar, Aqkól, Arshaly, Astrahan, Atbasar, Býrabaı, Ereımentaý, Esil, Jarqaıyń, Zerendi, Qorǵaljyn jáne Tselınograd aýdandaryndaǵy 11 jyljymaly medıtsınalyq keshen vaktsınatsııalaýǵa jumyldyryldy», - dep túıindedi Nurlan Shaǵyrov.
