Aqmola oblysyna kóshpeli otyrysta orman sharýashylyǵy máseleleri talqylanbaq
ASTANA. QazAqparat - 13-14 qazan aralyǵynda Májilistiń Agrarlyq máseleler komıteti Aqmola oblysyna (Zerendi aýyly) kóshpeli otyrys ótkizedi, dep habarlaıdy QazAqparat.
Kóshpeli otyrysqa atalǵan komıtet tóraǵasy Saparhan Omarov jetekshilik jasap, ol «Qazaqstan Respýblıkasynyń keıbir zańnamalyq aktilerine ósimdikter men janýarlar dúnıesi máseleleri boıynsha ózgerister men tolyqtyrýlar engizý týraly» zań jobasy sheńberinde ótkiziledi.
Qatysýshylar aldynda Aýyl sharýashylyǵy mınıstriniń orynbasary Erlan Nysanbaev baıandama jasaıtyn bolady.
Otyrysqa parlamentshiler, aýylsharýashylyǵy mınıstrliginiń ókilderi, qarjy, energetıka, densaýlyq saqtaý jáne áleýmettik damý, ishki ister, ádilet, ınvestıtsııa jáne damý, bilim jáne ǵylym, mınıstrlikteriniń, BUU baǵdarlamasynyń ókilderi qatysady.
Sondaı-aq, shaqyrylǵandardyń ishinde jergilikti atqarýshy organdardyń ókilderi, orman sharýashylyǵymen aınalysýshylar, otandyq ǵalymdar da bolady.
Baǵdarlama boıynsha qatysýshylarǵa Astana qalasy jasyl aımaǵynyń obektilerine barý (Astana-Şýchınsk tas joly boıymen, «Kókshetaý» MUTP Zerendi fılıaly (tabıǵat qorǵaý jáne ǵylymı mekeme, aǵash óńdeý zaýyty), Kishi -Túkti KMM (orman kóshetjaıynda) bolyp, kóshpeli otyrys ótkizý josparlanǵan.
