Aqmola oblysyna 5 myńǵa jýyq Vero Cell vaktsınasy jetkizildi
KÓKShETAÝ. QazAqparat - Aqmola oblysyna Sinopharm (Qytaı) kompanııasy shyǵarǵan Vero Cell vaktsınasynyń 4 990 dozasy jetkizildi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.
Densaýlyq saqtaý basqarmasynyń aqparaty boıynsha, Sinopharm ınaktıvti vaktsınasy Qazaqstanda qoldanýǵa tirkelgen kezekti preparatqa aınaldy.
Klınıkalyq synaqtardyń úshinshi kezeńiniń nátıjeleri boıynsha bul preparat koronavırýs ınfektsııasyna qarsy tıimdiligi 79 paıyz. Gospıtalızatsııaǵa qarsy tıimdilik 79 paıyz.
«Árqaısysy 2 komponentten turatyn vaktsınanyń 4 990 dozasy bar. Búgingi tańda tapsyrys daıyndalyp, medıtsınalyq uıymdarǵa jiberildi. Oblystyq qoımadan aýdandyq jáne qalalyq deńgeıdegi qoımalarǵa arnaıy termokonteınerde avtorefrejıratormen jetkiziledi», - dedi vedomstvodan.
Jalpy, óńirge halyqty ımmýndaý bastalǵannan beri elimizdiń densaýlyq saqtaý mınıstrligi maquldaǵan V Spýtnık V, QazVak, Hayat Vax, Sorona Vak jáne Vero Cell vaktsınalarynyń 540 myńnan astam dozasy jetkizilgen.
Eske sala keteıik, halyqaralyq sarapshylardyń pikirinshe, vaktsınatsııa koronavırýs ınfektsııasymen kúresýdiń jalǵyz jáne tıimdi ádisi. Jalpy, osy jyldyń aqpan aıynan bastap óńirde 245 myńǵa jýyq adam birinshi komponentpen, al 189 myńnan astam adam ekinshi komponentpen egildi. Oblysta 133 egý pýnkti, sondaı-aq 135 mobıldi brıgada jumys isteıdi.
Aıta keteıik, statsıonarlyq emdelip jatqan 1234 naýqas bar, 125-i jasaqtaý bólimshesinde, 14-i óte aýyr jaǵdaıda, 133-i ottegine qosylǵan.
