Aqmola oblysyn 100 paıyz sapaly sýmen qamtý merzimi aıtyldy

NUR-SULTAN. QazAqparat – Aqmola oblysynyń ákimi Ermek Marjyqpaev óńirdi 100 paıyz sapaly sýmen qamtamasyz etý merzimin aıtty, dep habarlaıdy QazAqparat tilshisi.

«Sýmen jabdyqtaýǵa qatysty, bul másele barsha aqmolalyqtardy, ásirese aýyl turǵyndaryn alańdatady. Bıyl sýmen jabdyqtaý júıelerin salý jáne jóndeý jónindegi jobalar 38 eldi mekende iske asyrylýda (9,5 mlrd teńgege 36 joba). Jumystardyń aıaqtalýy boıynsha shamamen 7 myń aýyl turǵyny ortalyqtandyrylǵan sýmen qamtamasyz etiletin bolady, qamtý úlesi 83 paıyzdan 90 paıyzǵa deıin artady», - dedi ákim Ortalyq kommýnıkatsııalar qyzmetinde.

Onyń aıtýynsha, «Nur Otan» partııasynyń saılaýaldy baǵdarlamasyn oryndaý jónindegi jol kartasynyń aıasynda oblysta 2025 jylǵa deıin 107 aýylda sýmen jabdyqtaý torabyn salý, taǵy 57 aýylda blok-modýl ornatý josparlanýda, ol halyqty 100 paıyz sapaly sýmen qamtamasyz etýge múmkindik beredi.