Aqmola oblysy jastar saıasaty basqarmasynyń qyzmetkerleri bıýdjet qarajatyn jymqyrǵan

NUR-SULTAN. QazAqparat – Aqmola oblysy jastar saıasaty basqarmasynyń qyzmetkeri jáne qoǵamdyq birlestikterdiń birqatar ókilderi bıýdjet qarajatyn jymqyrǵan. Bul týraly QazAqparat Agenttiktiń baspasóz qyzmetine silteme jasap habarlaıdy.

«Aqmola oblysynyń sybaılas jemqorlyqqa qarsy qyzmeti «Aqmola oblysy jastar saıasaty basqarmasy» KMM bas mamany Q.M.Asqarǵa, qoǵamdyq birlestikterdiń ókilderi B.N.Ánýarbek, A.A.Isın, E.B.Nurahmet pen Sh.K.Júsipovke qatysty sotqa deıingi tergeýdi aıaqtady. Olar alaıaqtyq jasap, jalǵan sharttar men esep berý qujattaryn daıyndaý jáne paıdalaný arqyly «Jasyl el» eńbek jasaqtarynyń qyzmetin uıymdastyrý boıynsha memlekettik áleýmettik tapsyrys sheńberinde bólingen 1 416 954 teńge somasynda bıýdjet qarajatyn jymqyrdy», - delingen habarlamada.

Aǵymdaǵy jyldyń 9 qazanynda Kókshetaý qalalyq sotynyń úkimimen atalǵan tulǵalar kináli dep tanylyp K.M.Asqarǵa – memlekettik qyzmette ómir boıy memlekettik qyzmette isteý quqyǵynan aıyrý jáne 14 169 540 teńge somasynda aıyppul tóleý, al B.N.Ánýarbek, A.A.Isın, E.B.Nurahmet jáne Sh.K.Júsipov – 2 jyl merzimge bas bostandyǵyn shekteý jazalary taǵaıyndaldy.