Aqmola oblysy: Sý tasqyny oryn alǵan aýyldyń turǵyndary úılerine oraldy
KÓKShETAÝ. QazAqparat-Aqmola oblysynda sý tasqyny oryn alǵan aýyldyń turǵyndary úılerine oraldy, dep habarlaıdy «QazAqparat» HAA tilshisi.
Eske sala keteıik, osyǵan deıin habarlanǵanymyzdaı búgin tańerteń 05:45 shamasynda Shaǵalaly ózenindegi sýdyń deńgeıi kóterilgen bolatyn. Osynyń saldarynan Zerendi aýdanynyń Shaǵalaly aýylyndaǵy 4 úı men 9 aýlany sý alyp, 43 adam (onyń ishinde 9 bala) jáne 154-ke jýyq úı janýarlary qaýipsiz jerge shyǵaryldy.
Qutqarý jumystary men tótenshe jaǵdaılardyń zardaptaryn joıýǵa TJD jeke quramynan 21 adam jáne 9 tehnıka, 4 júzý quraly, jergilikti atqarýshy organdardan 3 adam jáne 1 tehnıka, jergilikti polıtsııa qyzmetinen 4 adam jáne 1 tehnıka jumyldyryldy.
TJD qyzmetkerleriniń málimeti boıynsha, osy kúni atalǵan ózen sýynyń deńgeıi turaqtalyp, aǵysy baqylaýǵa alynǵan.
«Qazirge kezde, atalǵan eldi meken turǵyndarynyń ómiri men úılerine qaýip tónip turǵan joq. Jaıylǵan sý sorǵytylyp, turǵyndar úılerine oraldy», dep túsindirdi TJD qyzmetkeri Dýman Dəleshov.
