Aqmola oblysy shyǵarmashylyq jobalar baıqaýynda júldeger atandy
KÓKShETAÝ. QazAqparat - Aqmola oblysy respýblıkalyq «Meniń bastamam – meniń Otanym úshin» shyǵarmashylyq jobalar baıqaýynda júldeli úshinshi orynnan kórindi, dep habarlaıdy QazAqparat tilshisi oblystyq ishki saıasat basqarmasyna silteme jasap.
Oblystyq bilim basqarmasynyń deregi boıynsha, jastar men balalardyń bastamalaryn damytý, sondaı-aq, talantty balalardy qoldaý baǵytynda uıymdastyrylǵan baıqaýǵa Nur-Sultan, Almaty jáne Shymkent qalalarynda jáne oblystarda ótken óńirlik kezeńderdiń jeńimpazdarynan quralǵan 170 oqýshy qatysty. Onyń ishinde Aqmola oblysynan 9 bala bar.
Baıqaý jeńimpazdary «Óz jylýyńmen bólis», «Týǵan qalaǵa – ıgi is», «Men – Qazaqstan azamatymyn», «Medıajospar», «Meniń kishi Otanym», «Qazaqstannyń jeti keremeti», «Qazaqstannyń 100 jańa esimi», «Jańarý polıýsi», «Kıiz úı – ǵalamshar úlgisi» tárizdi toǵy atalym boıynsha anyqtaldy.
«Oblystyq kezeńde júldeger atanǵandaǵy qýanyshymdy aýyzben aıtyp jetkizý múmkin emes. Baıqaýdaǵy atalym taqyryby meniń ıdeıalarym men oıymdy asqaqtatty. Keleshekte ony óz elimde júzege asyrýǵa múmkindik bar. Baıqaýda ózimdi ózim damytýǵa, ózimdi ózim tárbıeleýge, kóshbasshylyq qabiletimdi ashýǵa múmkindik aldym», - deıdi «Jańarý polıýsi» atalymy boıynsha júldeli úshinshi oryn alǵan Arýjan Sardarqyzy.
Baıqaý QR Bilim jáne ǵylym mınıstrligi qosymsha bilim berý respýblıkalyq oqytý-ádistemelik ortalyǵynyń uıymdastyrýymen ótken.
