Aqmola oblysy «sary» aımaqqa aýysty
KÓKShETAÝ. QazAqparat – Aqmola oblysynyń bas memlekettik sanıtar dárigeri Aınagúl Mýsına óńirdegi epıdemıologııalyq ahýal týraly aıtty, dep habarlaıdy QazAqparat tilshisi.
Onyń aıtýynsha, óńirdegi epıdemıologııalyq ahýal turaqsyz bolyp otyr.
«Biz birneshe kún «qyzyl» aımaqta boldyq, qazir «sary» aımaqqa óttik. Kún saıyn aýrýdyń 50-den astam jaǵdaıy tirkeledi. Onyń ishinde Kókshetaý qalasynda kóp tirkelip otyr. Odan keıin ekinshi orynda - Stepnogor qalasy jáne Býrabaı aýdany», - dep atap ótti A.Mýsına.
Kásibı quramy boıynsha naýqastar arasynda zeınetkerler kósh bastap tur. Jaǵdaılardyń 40% - 65 jastan asqan adamdar.
Spıkerdiń aıtýynsha, monıtorıngtik toptardyń sany artty. Eger buryn 20 bolsa, qazir - 76.
Áleýmettik jelilerdegi monıtorıng kezinde qoǵamdyq tamaqtaný oryndarynyń buqaralyq is-sharalar ótkizý faktileri áli kúnge deıin anyqtalýda.
«Búginde jumys algorıtmi ózgerdi. Mobıldik toptar sanıtarlyq talaptardyń buzylshylyqtaryn anyqtap, materıaldardy medıtsınalyq uıymdardyń janynda ornalasqan úılestirý ortalyǵyna jiberedi. Sodan keıin sanıtarlyq qyzmet tekserýdi ashady. Jeltoqsan aıynda osyndaı 40 jedel habarlama túsip, jospardan tys 33 tekserý júrgizildi. 27 jaǵdaıda faktiler rastaldy. Aıyppuldar salynyp, uıǵarymdar berildi. Nusqama oryndalmaǵan jaǵdaıda nysandardyń jumysy 3 aıǵa deıin toqtatylýy múmkin», - dep atap ótti A.Mýsına.
Aıta keteıik, 30 jeltoqsan kúni saǵat 07:00-den bastap Aqmola oblysynyń bas sanıtar dárigeriniń «oblys aýmaǵynda karantındik shekteý sharalaryn odan ári kúsheıtý týraly» qaýlysy kúshine engen bolatyn.
