Aqmola oblysy óńirlik ónim kólemi boıynsha kósh basynda
KÓKShETAÝ. QazAqparat - Aqmola oblysy óńirlik ónim kólemi jaǵynan 9 aıdyń qorytyndysy boıynsha respýblıkada kósh bastap tur. Bul týraly Aqmola oblysynyń ákimi S.Kýlagınniń tóraǵalyǵymen óńirdiń áleýmettik-ekonomıkalyq damýynyń toǵyz aıdaǵy qorytyndylary shyǵarylǵan ákimdik otyrysynda oblystyq ekonomıka jáne bıýdjettik josparlaý basqarmasynyń basshysy B.Málǵajdarov baıandady, dep habarlady QazAqparat.
Bıylǵy jyldyń 9 aıynda Aqmola oblysynyń aýylsharýashylyǵy jalpy óniminiń kólemi 248,4 mıllıard teńgeni, naqty kólemniń ındeksi - 113,1 paıyzdy quraǵan.
«Búgingi kúni Astana qalasynyń aınalasyndaǵy azyq-túlik beldeýi aıasynda 9,8 mıllıard teńgege 11 joba júzege asyrylyp jatyr. Onyń ishinde jalpy somasy 6,1 mıllıard teńgege 7 joba júzege asyryldy», - dep atap ótti B. Málǵajdarov.
Sondaı-aq, oblystyń aýyl sharýashylyǵy qurylymdary Astana bazaryna aparatyn aýyl sharýashylyǵy ónimderiniń kólemin ulǵaıtýda, - dedi baıandamashy.
Búginde oblys boıynsha kúzgi oraq barysynda 5,7 mıllıon tonnaǵa jýyq astyq jınaldy. Jalpy ónimdilik gektarynan 13,2 tsentnerden aınaldy.
Odan ózge, jınalys barysynda jeke sharýashylyqtar bazasynda óndiristik kooperatıvterdi qurý jumystaryn uıymdastyrý máselesi de kóterilip, naqty tapsyrmalar berildi.
