Aqmola oblysy óńirlik ónim kólemi boıynsha kósh basynda
KÓKShETAÝ. QazAqparat - Aqmola oblysy óńirlik ónim kólemi boıynsha respýblıkada kósh bastap tur.
Bul týraly Aqmola oblysynyń ákimi S.Kýlagınniń tóraǵalyǵymen ótken ákimdik otyrysynda oblystyq ekonomıka jáne bıýdjettik josparlaý basqarmasynyń basshysy B.Málǵajdarov baıandady, dep habarlady oblys ákiminiń baspasóz qyzmetinen.
Bıylǵy jyly Aqmola oblysynyń aýylsharýashylyǵyjalpy óniminiń kólemi 94,4 mıllıard teńgeni, naqty kólemniń ındeksi - 114,5 paıyz quraǵan.
«Búgingi kúni Astana qalasynyń aınalasyndaǵy azyq-túlik beldeýi aıasynda 8,9 mıllıard teńgege 10 joba júzege asyrylyp jatyr. Onyń ishinde jalpy somasy 1,8 mıllıard teńgege 2 joba júzege asyryldy», - dep atap ótti B. Málǵajdarov.
Sondaı-aq, oblystyń aýyl sharýashylyǵy qurylymdary Astana bazaryna aparatyn aýyl sharýashylyǵy ónimderiniń kólemin ulǵaıtýda, - dedi baıandamashy.
Búginde oblys boıynsha astyqty bastyrý 2,8 mıllıon gektar alqapta júrgizilgen nemese 65,6 paıyz. Jalpy ónimdilik gektarynan 13 tsentnerden aınalýda. Naýqan oblys boıynsha qyrkúıek aıynyń sońynda aıaqtalady dep josparlanýda.
Odan ózge, jınalys barysynda jeke sharýashylyqtar bazasynda óndiristik kooperatıvterdi qurý jumystaryn uıymdastyrý máselesi de kóterildi.
Basqosý sońynda aımaq basshysy ýákiletti organdarǵa aýylsharýashylyq maqsattaǵy jerlerdi tıimsiz paıdalaný nemese múlde paıdalanbaý boıynsha zań buzýshylyqtardy anyqtaý jumystaryn jalǵastyrý týraly tapsyrma berdi.
