Aqmola oblysy Nur-Sultanǵa jetkiziletin azyq-túlik kólemin ulǵaıtty
«Elorda aınalasynda azyq-túlik beldeýi sheberinde Aqmola oblysy Nur-Sultan qalasyna azyq-túlik jetkizý kólemin ulǵaıtty. Onyń ishinde et ónimi - 1,8 paıyz (7,2 myń tonnaǵa deıin), sút - 1,7 paıyz (14,3 myń tonna), jumyrtqa - 3,2 paıyz (67,2 mıllıon danaǵa deıin) artty.
Oblysta et óndirisi 32,8 paıyzǵa, shujyq ónimderi 1,2 paıyzǵa, un 22,3 paıyzǵa, óńdelgen sút 8,1 paıyzǵa, ósimdik maıy 36,6 paıyzǵa ulǵaıǵan.
Bul týraly oblystyq ekonomıka jáne bıýdjettik josparlaý basqarmasynyń basshysy Qanat Dúzelbaev aıtty.
Sonymen birge, oblysta azyq-túlikti tutyný ındeksi 101,8 paıyzdy qurady. Kartop (20,5 paıyzǵa), qant (11,6 paıyzǵa), qyryqqabat (na 8,3 paıyzǵa), sábiz 9 (paıyzǵa), sıyr eti (8,1 paıyzǵa), sarymsaq (5,4 paıyzǵa), 1 sortty nan (3,2 paıyzǵa), makaron (3 paıyzǵa), qaraqumyq jarmasy (2,4 paıyzǵa), sary maı (2,3 paıyzǵa) baǵasy qymbattady. Áleýmettik mańyzdy azyq-túlik taýarlaryna ınflıatsııa kólemi - 102,6 paıyz (respbýlıka boıynsha 8-oryn).
Aýyl sharýashylyǵy taýarlarynyń naqty kólem ındeksi 104 paıyzdy nemese 38 mıllard teńgeni qurady.
Kóktemgi dala jumystaryn uıymdastyrý úshin Úkimet tarapynan oblysqa 68 tonna dızel otyny bólingen.
«Áleýmettik mańyzdy azyq-túlik taýarlary baǵasynyń negizsiz ósýine jol bermeý baǵytyndaǵy jumystardy odan ári jalǵastyrý kerek. Budan bólek, áleýmettik az qamtylǵandar, kópbalaly otbasylar, sonymen qatar, ataýly áleýmettik kómek alatyndardy áleýmettik qoldaý jumysy da jalǵasýy tıis. Oblystyq densaýlyq saqtaý basqarmasy aýdan jáne qala ákimdikterimen birlesip, ana men náreste ólimin azaıtýdy, medıtsınalyq mekmelerdi tsıfrlandyrýdy ulǵaıtýdy, onkologııalyq jáne ózge de aýrýlardy erte anyqtaýdy qamtamasy etýdi, dáriger mamandardyń tapshylyǵyn azaıtýdy tapsyramyn», - dedi Ermek Marjyqpaev.
