Aqmola oblysy nelikten «qyzyl» aımaqqa ótti - departament túsinik berdi

KÓKShETAÝ. QazAqparat - Aqmola oblysynyń sanıtarlyq-epıdemıologııalyq baqylaý departamenti óńirdiń «qyzyl» aımaqqa ótýine qatysty túsinik berdi, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Bıylǵy jyldyń 9 jeltoqsanynda Aqmola oblysy «qyzyl» aımaqqa aýysty. Mundaı kórsetkish epıdemıologııalyq jaǵdaıdyń matrıtsasy zerthanalyq rastalǵan COVID-19 (U07.1) jaǵdaılarynan ǵana emes, sonymen qatar U07.2 vırýstyq pnevmonııasyna baılanysty qalyptasyp otyr. Sońǵy táýlikte osyndaı 26 jaǵdaı tirkeldi, bul «qyzyl» aımaqqa ótýge áser etti», - dep atap ótti oblystyq sanıtarlyq- epıdemıologııalyq baqylaý departamenti baspasóz qyzmeti.

Vedomstvonyń málimetinshe, qazirgi kezde epıdemıologııalyq jaǵdaı baqylaýda tur.

«7 kún ishinde KVI shaldyǵý kórsetkishine monıtorıng júrgiziledi jáne COVID-19 jáne vırýstyq pnevmonııamen zerthanalyq rastalǵan syrqattaný ósken jaǵdaıda ǵana karantın sharalaryn kúsheıtý týraly sheshim qabyldanady. Al ázirshe karantındi shekteý 7 kún ishinde «sary» aımaqtyń talaptaryna sáıkes júrgiziledi», - dep tolyqtyrdy vedomstvonyń baspasóz qyzmetinen.