Aqmola oblysy MÁMS júıesine 95 paıyzǵa daıyn
KÓKShETAÝ. QazAqparat - Aqmola oblysy MÁMS júıesine 95 paıyzǵa daıyn. Bul týraly «Áleýmettik medıtsınalyq saqtandyrý qory» KEAQ tóraǵasynyń birinshi orynbasary Erik Baıjúnisov aıtty, dep habarlaıdy QazAqparat tilshisi qordyń Aqmola oblystyq fılıalynyń baspasóz qyzmetine silteme jasap.
Erik Baıjúnisovtiń aıtýynsha, MÁMS mehanızmi 2020 jyldyń 1 qańtarynan bastap iske qosylady. 2020 jyldyń 1 qańtarynan bastap medıtsınalyq qyzmet kórsetýde koordınattyq ózgeristerdi kútýdiń qajeti joq. Alǵashqy nátıjeler 1–1,5 jyldan keıin anyqtalady.
«Búgingi tańda barlyq qajetti normatıvtik quqyqtyq baza qabyldandy. 2015 jyly MÁMS júıesiniń negizgi prıntsıpteri men jumys isteý tártibin belgileıtin «Mindetti áleýmettik medıtsınalyq saqtandyrý týraly» QR Zańy qabyldandy. 2020 jyldyń 1 qańtarynan bastap medıtsınalyq qamtamasyz etýdiń úsh deńgeıli júıesin engizýdi kózdeıtin «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine ózgerister men tolyqtyrýlar engizildi», - deıdi Erik Baıjúnisov Kókshetaý qalasyndaǵy óńirlik shtabta ótken májiliste.
Osy rette, ol MÁMS engizý eskerile otyryp, densaýlyq saqtaýdy qarjylandyrýdyń jalpy kólemi 2019 jylǵy deńgeıden 52 paıyzǵa artqanyn atap ótti.
«Densaýlyq saqtaý bıýdjeti jıyntyǵynda 2020 jyly el boıynsha 1 561,4 mıllıard teńgeni quraıdy, onyń ishinde 573 mıllıard teńgesi – MÁMS túsimderi», - dep tolyqtyrdy E. Baıjúnisov.
Óńirdiń MÁMS-ke kirýge daıyndyǵyna keletin bolsaq, Aqmola oblysy 95 paıyzǵa daıyn.
«Búgingi tańda biz jergilikti atqarýshy organdarmen birlesip halyqty ózektendirý, medıtsınalyq uıymdardy kompıýterlermen jabdyqtaý, medıtsına kadrlaryn tartý jáne jumys berýshiler men jeke kásipkerlerdiń turaqty tólemderi boıynsha qalǵan problemalardy josparly túrde sheshýdemiz», - dedi «ÁMSQ» KEAQ Aqmola oblystyq fılıalynyń dırektory Nurlan Aqylbekov.
Aqmola oblysy ákiminiń orynbasary Aına Mysyrálimova da máselelerdi sheshý boıynsha pikir bildirdi
«Alǵa qoıylǵan mindetterdi sheshýdi 2020 jyldyń 1 qańtaryna deıin keıinge qaldyrýdyń qajeti joq. Mysaly, azamattardy ózekti etý máselesin, ásirese BAQ pen áleýmettik jelilerde aqparattyq-túsindirý jumystaryn kúsheıtip sheshýge bolady. Búgingi kúni bul aqparattandyrýdyń eń úzdik quraldary», dep qosty Aına Mysyrəlimova óz sózinde.
