Aqmola oblysy koronavırýs ınfektsııasymen qalaı kúresip keledi
AÝRÝHANALAR
Koronavırýs indeti Qazaqstanda tirkelgennen keıin KVI belgileri bar azamattar statsıonarlarǵa jatqyzylyp, baqylaýǵa alyna bastady. Aqmola oblysynda densaýlyq saqtaý uıymdarynyń janynan osyndaı maqsatta úsh gospıtal ashyldy. Budan bólek, eki aıdyń ishinde turǵyzylǵan zamanaýı 200 oryndyq juqpaly aýrýlar aýrýhanasy ashyldy.
Q.Qurmanbaev atyndaǵy Aqmola oblystyq týberkýlezge qarsy kúres dıspanseri indetpen kúreste negizgi medıtsınalyq mekeme retinde tańdap alyndy. Dıspanserdiń ınfektsııalyq statsıonary dəri-dərmek, tósek-oryn, medıtsınalyq quraldarmen, qyzmetkerlerdiń jeke basyn qorǵaýǵa arnalǵan kostıýmdermen qamtamasyz etildi. Jalpy, ondaǵy bólimshe 135 naýqasqa laıyqtalǵan bolatyn. Oblystyq əkimdik pen densaýlyq saqtaý basqarmasy medıtsınalyq qural-jabdyqtarmen qamtamasyz etýdi, kadr məselesin óz baqylaýlaryna alyp, birlesip sheshti.
ALǴAShQY KEZEŃDE ІTRKELGEN NAÝQASTARDYŃ BASYM BÓLІGІ ELORDA ІRGESІNDE TURATYN
Osy rette, koronavırýs ınfektsııasy elimizde qashan jáne qalaı taraǵanyna keletin bolsaq, elimizde tótenshe jaǵdaı 2020 jyldyń 15 naýryzynda jarııalanǵany belgili. Ol kezde Aqmola oblysynda KVI jaǵdaılary áli tirkele qoıǵan joq edi. Sol kezde koronavırýs ınfektsııasy týraly aqparattardy turǵyndar ártúrli qabyldady. Bireýler kúmánmen qarasa, endi biri saqtyq sharalaryna kóńil bóldi.
Degenmen, sáýir aıyna qaraı aımaqta KVI juqtyrǵandardyń sany arta bastady. Olardyń basym kópshiligi Nur-Sultan qalasynyń irgesindegi eldi mekenderderdiń turǵyndary, naýqas týystarymen baılanysty bolǵandar. Oblysta koronavırýstan qaıtys bolý oqıǵasy elordanyń janyndaǵy «Shapaǵat» áleýmettik qyzmet kórsetý ortalyǵynda tirkeldi. Al, resmı statıstıkalyq málimet boıynsha 9 sáýirdegi oblystyń statsıonarlarynda 371 naýqas, úı karantıninde 792 adam boldy.
KARANTIN ShARALARY BІRESE QATAITYLYP, BІRESE JEŃІLDETІLІP OTYRDY
11 mamyrdan bastap Aqmola oblysynda birqatar karantın jeńildikteri engizildi. Óńir turǵyndaryna mindetti túrde maska taǵyp, turǵylyqty jerinen 22:00-ge deıin shyǵýǵa ruqsat etildi. 21:00-ge deıin saıajaıǵa barý úshin eldi mekenge kirýge jáne shyǵýǵa ruqsat etildi, qoǵamdyq kólik saǵat 07:00-den 20:00-ge deıin jumys istedi. Tselınograd aýdanynyń Qosshy jáne Qoıandy aýyldaryna jeńildik bolǵan joq.
14 maýsymda Aqmola oblysynyń bas sanıtarlyq dárigeri Aınagúl Mýsına aqmolalyqtarǵa jedel málimdeme jasady. Onda oblystyń bas sanıtarlyq dárigeri oblys ortalyǵynda KVI-ge qatysty jaǵdaı nasharlaǵanyn aıtty. Sondyqtan 15 maýsym kúni saǵat 20:00-den bastap Kókshetaý qalasynyń perımetri boıynsha 7 blokpostyń jumysy qaıta jandandy, azyq-túlik jáne turmystyq hımııa ónimderin satatyn saýda obektileriniń, azyq-túlik emes dúkenderdiń, sport obektileriniń, qoǵamdyq tamaqtandyrý kásiporyndarynyń jumysy shekteldi.
23 maýsymda Aqmola oblysynda karantındik sharalar kúsheıtildi. Kókshetaý men Stepnogor qalalarynan shyǵatyn jáne kiretin blokpostardy ornatýdan basqa, statsıonarlarǵa josparly emdeýge jatqyzý, skrınıngter jáne kásibı tekserý toqtatyldy. Kókshetaý men Stepnogordegi tamaqtaný obektileri jazǵy alańdardy qospaǵanda, azyq-túlikti jetkizýde ǵana jumys istedi. Kókshetaý men Stepnogordegi avtobýs marshrýttarynyń, avtovokzaldar men avtostantsııalardyń qyzmeti toqtatyldy. Keıin indet órshı tústi. Ólim-jitim kóbeıip, naýqastardyń sany artty.
MAÝsYM-ShІLDE – EŃ AÝYR KEZEŃ
Maýsym-shilde aılarynda aýrý shyńyna jetti. Óńirde ınfektsııa juqtyrǵandardyń sany artty. Jedel járdem shaqyryp, aýrýhana jetý úshin kóp kútý kerek boldy. Keıbir adamdar óz kóliktermen naýqas týystaryn aýrýhanaǵa jetkizýge tyrysty. Biraz adam kóz jumdy. Dárigerler sońǵy kúshi sarqylǵansha jumys istedi. Sonymen, qaýipti vırýspen kúreske eshkim daıyn emes ekeni belgili boldy, demek, dári-dármekter, tósek-oryn, qorǵanys quraldary, medıtsınalyq qyzmetkerler jetispeı dárigerler de, naýqastar da qıyndyqqa tap boldy. Keıin jaǵdaı birshama turaqtala bastady. Tek 18 qyrkúıekte Aqmola oblysynyń bas memlekettik sanıtarlyq dárigeri qaýlyǵa birqatar ózgerister engizdi.
Atap aıtqanda, Aqmola oblysy eldi mekenderiniń aýmaǵy boıynsha turǵyndardyń qozǵalysyn saǵat 23:00-den saǵat 06:00-ge deıin shekteıtin sanıtarlyq postar alyndy. Sondaı-aq, demalys kúnderi 65 jastan asqan adamdarǵa shyǵýǵa ruqsat etildi. Qyrkúıek aıynda KVI jaǵdaıy turaqtandy. Kóp uzamaı KVI-diń ekinshi tolqynyna aýqymdy daıyndyq bastaldy.
EKІNShІ TOLQYN...
16 qazannan bastap Aqmola oblysynda vırýs juqtyrǵandar kóp tirkelýine baılanysty karantındik shekteý sharalary qaıta kúsheıtildi. Turǵyndarǵa 23:00-den 06:00-ge deıin qozǵalys shekteldi, oıyn-saýyq mekemeleriniń qyzmeti toqtatyldy, saýda úıleri men azyq-túlik emes dúkenderdiń jumysy jumys kúnderi 19:00-ge deıin shekteldi, demalys jáne mereke kúnderi jumys istemedi.
Jumys kúnderi bazarlar 17:00-ge deıin ashyldy, demalys kúnderi de jumys istemedi. Azyq-túlik dúkenderi halyqqa 09:00-den 22:00-ge deıin qyzmet kórsetti. Sol kezde óńirdiń bas memlekettik sanıtarlyq dárigeri aǵymdaǵy jyldyń maýsym jáne shilde aılarymen salystyrǵanda jaǵdaı salystyrmaly túrde turaqty ekenin, biraq aýrýdyń birtindep ósýi júrip jatqanyn atap ótti. Ol qyrkúıektiń aıaǵynan bastalyp, qarasha aıynda indettin bıik shyńy bolatyny boljanyp otyrǵanyn atap ótken edi.
Degenmen, oblys aýmaǵynda qyrkúıek aıynda koronavırýs juqtyrýdyń 98 jaǵdaıy tirkeldi, onyń 55-niń belgisi bar, 43-niń belgisi joq.
Sol kezde, aýyrǵandar sany boıynsha Kókshetaý qalasy kósh bastap turdy. KVI-diń alǵashqy tolqynynda jumys istegen úsh zerthananyń sany altaýǵa jetkizildi. Jańa jabdyq koronavırýstyń belgilerin tez anyqtap, ýaqyt únemdeýge múmkindik berdi.
7 qarashada karantın sharalaryn qatańdatý týraly kezekti qaýly kúshine endi. Aımaqtaǵy epıdemıologııalyq jaǵdaı turaqsyz dep baǵalandy. Aqmola oblysynyń eldi mekenderiniń aýmaǵynda turǵyndardyń júrip-turýyna 21:00-den 6:00-ge deıin, azyq-túlik dúkenderiniń jumys rejımine 09:00-den 20:00-ge deıin, taksı qyzmetteriniń júrip-turýyna 21:00-den 06:00-ge deıin, adamdardyń úılerine 21:00-ge deıin jetýi úshin barlyq kásiporyndardyń qyzmetine 19:00-ge deıin shekteý engizildi. Qoǵamdyq kólik saǵat 8:00-den 20:00-ge deıin jumys istedi.
5 qarashada Kókshetaý qalasynyń perımetri boıynsha alty sanıtarlyq beket ornatyldy. Bul termometrııany qoldana otyryp, keletin jáne ketetin azamattardyń densaýlyq jaǵdaıyn baqylaýǵa, sondaı-aq barlyq syrqattanǵan jáne baılanysta bolǵan adamdardyń derekteri engiziletin arnaıy qosymshanyń arqasynda karantındik rejımderdi buzýshylardy anyqtaýǵa múmkindik beredi.
PTR ANYQTAMASYZ KÓKShETAÝǴA KІRE ALMAISYZ!
13 qarashadan bastap Aqmola oblysy karantındik sharalardyń jańa qatańdatylýyn kútti. Jańa qaýlynyń basty aıyrmashylyǵy PTR ádisimen COVID-19 testileýiniń teris nátıjesi bar anyqtamasyz Aqmola oblysynda turmaıtyn adamdardyń Kókshetaý qalasynyń karantındik aımaǵyna kirýine tyıym salý boldy. Anyqtamanyń qalaǵa keler aldynda úsh kún buryn jasalýy talap etildi. Alaıda, aqmolalyqtarǵa oblys boıynsha júrip-turýǵa mundaı anyqtamalar qajet bolmady.
18 qarashada Aqmola oblysynda KVI aýrýy boıynsha epıdemıologııalyq jaǵdaıdyń turaqtandyrylyp kele jatqany baıqaldy. Óńir indettin taralý qaýpi boıynsha «jasyl aımaqqa» ótti. 11-17 qarasha aralyǵynda COVID-19 juqtyrýdyń 258 jaǵdaıy tirkeldi (100 myń adamǵa shaqqanda – 35), ótken aptada – 271 jaǵdaı (100 myń adamǵa shaqqanda 36,7). ıAǵnı, 1,05 ese tómendedi, al ósimi kórsetkishi 0,9 paıyz boldy.
Kezekti qaýlyǵa birqatar ózgerister engizildi. Onyń ishinde azyq-túlik dúkenderiniń jumysy saǵat 7:00-den 20: 30-ǵa deıin uzartyldy. Saýda-oıyn saýyq ortalyǵynyń, saýda obektileriniń, azyq-túlik emes dúkenderdiń, jabyq azyq-túlik jáne azyq-túlik emes bazarlardyń qyzmeti jeksenbi kúni jumysqa tyıym salýdy saqtaı otyryp, jumys kúnderi saǵat 10:00-den 20:30-ǵa deıin uzartyldy.
TAǴY DA «QYZYL» AIMAQ...
Bes kúnnen keıin oblys «qyzyl» aımaqqa ótti. Aqmola oblysynyń bas memlekettik sanıtarlyq dárigeriniń jańa qaýlysyna sáıkes, 28 qarashadan bastap Kókshetaý men Stepnogor qalalaryna shyǵýǵa jáne kirýge tyıym salyndy. Kóp uzamaı Kókshetaý qalasyna Zerendi aýdanynyń jáne jaqyn mańdaǵy eldi- mekenderdiń turǵyndaryna «Stopcorona» saıtynda jumys ornyn kórsete otyryp jáne kirý qajettiliginiń sebebin rastaı otyryp, kirýge ruqsat etildi.
4 jeltoqsandaǵy jaǵdaı boıynsha oblysta 905 ınfektsııalyq jáne 84 reanımatsııalyq tósegi bar 12 ınfektsııalyq statsıonar jumys istedi. Qosymsha 14 rezervtik statsıonar, ıaǵnı 990 ınfektsııalyq tósek oryn jáne 103 reanımatsııalyq tósek oryn jabdyqtalǵan. Oblystyń medıtsınalyq uıymdarynda 425 ÓJJ apparaty bar, onyń 203-i - portatıvti. Budan bólek, 1000-nan astam pýlsoksımetr, 50 ottegi ballony, úsh ottegi stantsııasy satyp alyndy. Jedel medıtsınalyq kómek mashınalary parki tolyqtaı jańartyldy.
Keıin oblys «sary» aımaqqa ótti. Kókshetaý men Stepnogor mańyndaǵy sanıtarlyq postar 12 jeltoqsan saǵat 00:00-den bastap alyndy. Barlyq turǵyndarǵa, ásirese 65 jastan asqan adamdarǵa, endi qajet bolmasa, 23:00-den 06:00-ge deıin turǵylyqty jerinen ketpeý usynylady.
16 jeltoqsanda Aqmola oblysynda saýda úıleri men ortalyqtarynyń, sondaı-aq bazarlardyń jumysyna birqatar jeńildikter engizildi.
KÓPTEN KÚTKEN VAKTsINA
1 aqpannan bastap respýblıka boıynsha koronavırýsqa qarsy «Spýtnık V» vaktsınasyn salý jumystary qolǵa alyndy. Aqmola oblysynda da 9 naýryzǵa deıingi jaǵdaı boıynsha sońǵy əkelingen ekpeniń birinshi komponenti 1358 adamǵa salyndy. Onyń 302-si muǵalim, 208-i polıtseı jəne kúshtik qurylymdardyń qyzmetkeri, 35-i – memlekettik qyzmetshi jəne 693-i medıtsına qyzmetkeri. Osy ýaqytqa deıin ekpe alǵandardyń eshbirinde asqyný jaǵdaılary tirkelmegen.
QAZІR OBLYS «SARY» AIMAQTA
10 naýryzda Aqmola oblysynyń bas memlekettik sanıtarlyq dárigeri Aınagúl Mýsınanyń qaýlysymen aımaqtaǵy karantındik shekteý sharalaryna ózgerister men tolyqtyrýlar engizildi. Olar negizinen mektepke deıingi mekemelerdiń jumysyna qatysty. Osy qaýlyǵa sáıkes, óńirdegi balabaqshalardaǵy balalar sanyn 25-ke deıin arttyrýǵa ruqsat etildi.
Qazirgi kezde oblys «sary» aımaqta. Aqmola oblysynda búgingi kúni KVI juqtyrǵandar sany barlyǵy 14397 adamdy qurady. Onyń ishinde 13438 naýqas jazylyp shyqty.
Jaǵdaıdyń odan ári qalaı damıtynyn ýaqyt kórsetedi. Degenmen, oblysta sanıtarlyq talaptar áli de erekshe baqylaýda. Dál qazir óńirde koronavırýs ınfektsııasynyń taralýyna qatysty jaǵdaı turaqty.
