Aqmola oblysy kásipkerleriniń qaýymdastyǵy Elbasynyń bastamasyn qoldady
«Qurmetti jerlester! Aqmola oblysy kásipkerleriniń qaýymdastyǵy Elbasy Nursultan Nazarbaevtyń respýblıkalyq qor qurý týraly bastamasyn qoldaıdy. Qazirgi kezde bizdiń elimiz qıyn sátti bastan keshýde, qaýipti ınfektsııa – koronavırýstyń taralý qaýipi tónip tur. Osy kezde biz judyryqtaı jumylyp, bir birimizge kómek kórsetý jáne qoldaý arqyly bul indetti jeńe alamyz. Biz oblysymyzdaǵy ár kásipker jaǵdaıdyń kúrdeli ekendigin túsinip, óz qyzmetkerlerine eńbekaqylaryn ýaqytylyp berip, jumys ornyn saqtap qalady dep oılaımyz. Osy kezeń ár kásipkerdiń qaltasyna salmaq salatyny belgili, biraq ta, biz soǵan qaramastan adamgershilik tanytýymyz kerek.
Elbasy atap ótkendeı, «Kemedeginiń jany bir». Osy kezde birinshi kezekte, jasy kelgen adamdar, múgedekter, áleýmettik jaǵanynan az qamtylǵan halyqqa aýyr tıetinin umytpaýymyz kerek. Ataýly áleýmettik kómek kórsetý úshin baǵyttalǵan qarajat naqty muqtaj jandarǵa jetetinine senimdimiz. Moıyndaýymyz kerek, biz kásipkerler, óz isiniń kásibı sheberleri memlekettiń qoldaýy, túsinistik, syılastyq jáne erteńgi kúnge senimdiliktiń arqasynda qalyptasyp otyrmyz. Bir birimizge degen qoldaý men birliktiń arqasynda qıyn sátti bastan ótkeremiz! Biz birgemiz!», - delinge kásipkerlerdiń úndeýinde.
Aıta ketıik, osyǵan deıin Elbasy qazaqstandyqtarǵa QR Prezıdenti Qasym-Jomart Toqaev pen Úkimettiń júzege asyryp jatqan sharalary koronavırýs taralýy jaǵdaıyndaǵy eń durys sheshim ekendigin aıtyp, ony qoldaýǵa shaqyrǵan bolatyn.
