Aqmola oblysy Esil aýdanynyń burynǵy ákimi Sergeı Erın bas bostandyǵynan aıyryldy - Bas prokýratýra
TANA. 18 tamyz. QazAqparat /Rýslan Ǵabbasov/ - Aqmola oblysy Esil aýdanynyń burynǵy ákimi Sergeı Erın 1 jyl 6 aıǵa bas bostandyǵynan aıyryldy.
Bul týraly búgin Astanada ótken brıfıngte Bas prokýratýranyń resmı ókili Jandos Ómirálıev málim etti.
Atap aıtqanda, S. Erın atalǵan ákimdikte qyzmet atqarý byrysynda óziniń ókilettiligin teris paıdalana otyryp, ákimdiktiń uıymdastyrýshylyq máselelerin sheshýge baılanysty óz qarjylyq shyǵyndaryn óteý úshin sharýa qojalyqtary basshylarynan, kásipkerlerden, sondaı-aq túrli mekemelerdiń basshylarynan qarjy jınastyrýdy uıymdastyrǵan. Resmı ókildiń sózine qaraǵanda, S. Erın kásipkerlik qyzmetke kedergi keltire jáne qysym kórsete otyryp, «Agrofýd» JShS-niń dırektorynan Esil aýdandyq mádenıet úıine mýzykalyq jabdyqtar satyp alamyz degen jeleýmen 1,4 mln. teńgeni tapsyrýdy talap etken. Aıta keteıik, ol atalǵan somany jalǵan kásiporyn bolyp tabylatyn, ıaǵnı qarajatty qolma-qol aqshaǵa aınaldyrýmen aınalysatyn «Adaldyq-2007» JShS-niń esep-shotyna aýdarýdy suraǵan.
«Al is júzinde bul mýzykalyq jabdyqtar bıýdjet qarjysy esebinen satyp alynǵanyn atap ótken jón»,-dedi J. Ómirálıev.
