Aqmola oblysy: Erkinshilik aýylynyń ishine sileýsin kirip ketken
NUR-SULTAN. QazAqparat - Aqmola oblysy Ereımentaý aýdany Erkinshilik aýylynyń ishinde sileýsinniń júrgen vıdeosy «WhatsApp» messendjeri arqyly tarady, dep habarlaıdy QR EGTRM Orman sharýashylyǵy jáne janýarlar dúnıesi komıtetiniń baspasóz qyzmeti.
Qar jamylǵysynyń ulǵaıýy nátıjesinde jabaıy janýarlar azyq izdep eldi mekenderge jaqyn jerlerge kelýge májbúr.
Máselen, 2022 jylǵy 17 aqpanda «Shoshanova A.K» men «Astana qalasy men Aqmola oblysynyń ańshylar men balyqshylar qoǵamy JK», QB qoryqshylyq qyzmetimen birlesip Erkinshilik aýylynyń aýmaǵy tekserildi. Boljam boıynsha, joǵaryda atalǵan sileýsin orman alqabynan shyqqan, óıtkeni onyń azyǵy sanalatyn janýarlar (elik, qoıan) eldi mekenderdiń janynda jınalady.
Tekseris nátıjesinde sileýsin Erkenshilik aýylynan orman alqaby baǵytyna shyqqandyǵy anyqtaldy. Jaǵdaı baqylaýǵa alyndy.
Aıta keteıik, aýyl turǵyndarynan úı janýarlaryna shabýyl jasaldy degen shaǵymdar túsken joq.
