Aqmola oblysy boıynsha sybaılas jemqorlyqqa qarsy is-qımyl departamentiniń basshysy aýysty

KÓKShETAÝ. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń 2016 jylǵy 21 qazandaǵy buıryǵymen Bergen Bespalınov osy agenttiktiń Aqmola oblysy boıynsha departamentiniń basshysy, Ádep jónindegi keńes tóraǵasy bolyp taǵaıyndaldy, dep habarlaıdy QazAqparat tilshisi vedomstvonyń baspasóz qyzmetine silteme jasap.

Bergen Maratuly  1979 jyly Soltústik Qazaqstan oblysynda dúnıege kelgen. 2001 jyly E.Bóketov atyndaǵy Qaraǵandy memlekettik ýnıversıtetin saıasattanýshy, 2004 jyly zańger mamandyqtary boıynsha, 2013 jyly Gýmanıtarlyq-tehnıkalyq akademııany ekonomıka jáne bıznes bakalavry mamandyǵy boıynsha oqyp bitirdi.

Keıin Reseı Federatsııasy Prezıdentiniń janyndaǵy Reseı halyq sharýashylyǵy men memlekettik qyzmeti akademııasynda, sonymen qatar, Qazaqstan Respýblıkasy Prezıdenti janyndaǵy Memlekettik basqarý akademııasynda bilim aldy.

Memlekettik qyzmet salasyndaǵy eńbek jolyn 2002 jyly bastap, Zerendi aýdany ákiminiń kómekshisi, Ereımentaý aýdany ádilet basqarmasynyń basshysy, QR Memlekettik qyzmet isteri agenttiginiń Aqmola oblysy boıynsha departamentinde bólim basshysy, Tártiptik keńes hatshylyǵynyń meńgerýshisi laýazymdarynda qyzmet etti.

2011-2015 jyldary Aqmola oblysy boıynsha Tekserý komıssııasynyń múshesi boldy. 2015 jyly  QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti basshysynyń orynbasary - Tártiptik keńes tóraǵasy, al, 2016 jyldyń qańtar-qazan aılary aralyǵynda - osy agenttiktiń Qostanaı oblysy boıynsha departamentiniń basshysy - Ádep jónindegi keńes tóraǵasy bolyp qyzmet atqardy.