Aqmola oblysy aımaǵynda isten shyqqan poıyz jolaýshylary ózge poıyzǵa otyrǵyzyldy
KÓKShETAÝ. QazAqparat - Aqmola oblysynda «Qaraǵanda-Astana» baǵytyndaǵy №68-57 elektr poıyzynyń isten shyǵýyna baılanysty 139 jolaýshyny ózge poıyzben saparyn jalǵastyrýǵa májbúr boldy, dep habarlaıdy QazAqparat tilshisi.
Resmı derekterge qaraǵanda, 11 qańtar kúni saǵat 14:10-dar shamasynda 42 razezd stansasynda «Qaraǵanda-Astana» baǵytyndaǵy №68-57 elektr poıyzynyń toq qabyldaǵyshy isten shyqqan. Osy kezde elektr poıyzynyń vagonynda 139 jolaýshy bolǵan. Jolaýshylar zardap shekken joq. Ózge poıyzdardyń qozǵalysyna da kedergi keltirilmedi. Arada jarty saǵat ótken soń jolaýshylar «Jezqazǵan-Astana» baǵytyndaǵy №307 poıyzyna otyryǵyzyldy.
Sonymen qatar, osy kúni Astana qalasynan 30 shaqyrym qashyqtyqta «Astana-Kókshetaý» baǵytyndaǵy № 68-07 jolaýshylar elektr poıyzy isten shyǵyp, kesteden týra 3 saǵatqa keshikti.
