Aqmola oblysy avtojoldarynyń 10 ýchaskesinde jóndeý jumystary júrgizilýde
KÓKShETAÝ. QazAqparat tilshisi - Bıyl Aqmola oblysy avtojoldarynyń jalpy uzyndyǵy 148 shaqyrymdy quraıtyn 10 ýchaskede ortasha jóndeý jumystary júrgizilýde, dep habarlaıdy QazAqparat tilshisi «QazAvtoJol» UK» AQ-nyń resmı saıtyna silteme jasap.
Búgingi tańda «Kókshetaý-Atbasar» avtojolynyń 102-158 km ýchaskesinde 56 shaqyrym qashyqtyqta shuńqyrlardy jabý, tegisteýshi qabatty tóseý, jol jıegin nyǵaıtý jumystary atqarylýda.
Sondaı-aq, «Kókshetaý-Rýzaevka» avtojolynyń 20-40 km ýchaskesinde 79 600 sharshy metr jol frezerlenip, resaıklıng jasaldy. 5 000 sharshy metr jolda shuńqyrlar jabyldy. Sonymen qatar, jol jıegin nyǵaıtý, sý qubyrlary jóndeý, jolaqtardy salý jumystary josparlanǵan. R-6 «Makınsk-Aqsý-Torǵaı» 203,8-214, 220-220,8 km ýchaskesinde qurylys jumystaryna daıyndyq júrgizilýde. R-10 «Nur-Sultan qalasyn aınalyp ótý» 9-22,9 km; 46,2-52 km; «Kókshetaý qalasyn aınalyp ótý» jol ótkeliniń 15 km, R-11 «Kókshetaý-Rýzaevka» 9 km; M-36 «Ekaterınbýrg-Almaty» 1232-1246 km ýchaskelerinde shaqpaq tasty asfaltbeton jabyny tóselýde.
